તારક મહેતા કા ઉલ્ટા ચશ્મા શો છોડ્યા બાદ હવે શૈલેશ લોઢાએ સોશિયલ મીડિયા પર વ્યંગાત્મક પોસ્ટ લખી છે. જુઓ આ પોસ્ટ
શૈલેશ લોઢાએ છોડ્યો શો 'તારક મહેતા કા ઉલટા ચશ્મા'
લાંબા સમયથી ચાલતો હતો પ્રોડ્યુસર અસિત મોદી સાથે વિવાદ
સોશિયલ મીડિયા પર લખી વ્યંગાત્મક પોસ્ટ
શૈલેશ લોઢાએ છોડ્યો શો 'તારક મહેતા કા ઉલટા ચશ્મા'
ટીવીનાં સૌથી પોપ્યુલર કોમિક શો તારક મહેતા કા ઉલ્ટા ચશ્મા આજકાલ પોતાના લીડ કેરેક્ટર 'તારક મહેતા'ને લઈને ચર્ચામાં છે. શૈલેશ લોઢાનાં શો છોડ્યા બાદ હવે તારક મહેતાનું પાત્ર સચિન શ્રોફ નિભાવશે. શોનો નવો પ્રોમો પણ જાહેર કરવામાં આવ્યો છે, જેમાં સચિન તારક મહેતાનાં રૂપમાં જોવા મળે છે. સચિનની એન્ટ્રી પર લોકોનું મિક્સ્ડ રીએક્શન જોવા મળે છે. આ દરમિયાન શૈલેશ લોઢાએ પણ સોશિયલ મીડિયા પર એક વ્યંગ પોસ્ટ લખી છે.
તારક મહેતા શો થોડા સમયથી વિવાદો વચ્ચે ઘેરાયો છે, કેમકે શોના મોટાભાગના કલાકારો અચાનક શો છોડીને ચાલ્યા ગયા છે. આમાં શૈલેશ લોઢાનું નામ પણ સામેલ છે. રીપોર્ટસ અનુસાર, શૈલેશે શોના મેકર અસિત કુમાર મોદી સાથે વિવાદોને લઈને શો છોડ્યો હતો. શૈલેશનાં અચાનક શો છોડવા પર તેણી ટીઆરપી પર ખરાબ અસર પડી હતી. શો છોડ્યા બાદ શૈલેશ ચુપ ન બેઠા. તેઓ સતત શોશિયલ મીડિયા પર વ્યંગાત્મક પોસ્ટ લખીને મેકર્સ પર નિશાનો સાધતા રહ્યા. આમ જ જ્યારે સચિન શ્રોફની એન્ટ્રી બાદ શૈલેશે ઇન્સ્ટાગ્રામ પર ભારે વ્યંગ પોસ્ટ શેર કરી છે. જુઓ આ પોસ્ટ.
લાંબા સમયથી ચાલતો હતો પ્રોડ્યુસર આસિત મોદી સાથે વિવાદ
આ પોસ્ટના માધ્યમથી શૈલેશ લોઢાએ ઇશારામાં જ ઘણું કહ્યું છે. જોકે, એક્ટર કોઈનું નામ લેતા નથી. પણ હાલના સમયને ધ્યાનમાં રાખતા યુઝર્સનું માનવું એમ છે કે આ કટાક્ષ ક્યાંકને ક્યાંક તારક મહેતા કા ઉલટા ચશ્માં શોનાં પ્રોડ્યુસર અસિત મોદી પર જ કરવામાં આવ્યો છે. શૈલેશે પોસ્ટ સાથે પોતાનો હસતો ફોટો પણ શેર કર્યો છે. કેપ્શનમાં લખ્યું છે કે - આજના માણસ પર એક ફ્રેશ વ્યંગ્ય કવિતા.
શૈલેશ અને અસિત મોદી વચ્ચે લાંબા સમયથી કોલ્ડ વોર ચાલી રહ્યો છે. જોકે, શૈલેશે તારક મહેતા શો શા માટે છોડ્યો, તે કારણ હજુ સામે આવ્યું નથી. હાલમાં તો મેકર્સે સચિન શ્રોફને તારક મહેતા તરીકે રિપ્લેસ કર્યા છે.