ગુજરાતભરમાં ગાજેલા બિટકોઈન કૌભાંડમાં લાંબા સમય બાદ નિશા ગોંડલિયા નામની એક મહિલા સામે આવી છે. આ મહિલાએ બિટકોઈન કૌંભાડના તાર દુબઈ સુધી જોડાયેલા હોવાનો ઘટસ્ફોટ કર્યો છે. માત્ર એટલું જ નહીં, આ મહિલા બિટકોઈનમાં સંડોવાયેલા શૈલેષ ભટ્ટની સગી સાળી છે. આ મહિલાએ કેટલાક ખુલાસા કર્યા છે.
બિટકોઈન કેસ મામલે શૈલેષ ભટ્ટ ફરાર છે. ત્યારે હવે શૈલેષ ભટ્ટની સાળી નિશા ગોંડલિયાએ આરોપ લગાવ્યા છે. નિશા ગોંડલિયાએ આજે અમદાવાદમાં પત્રકાર પરિષદ કરી હતી. જેમાં નિશા ગોંડલિયાએ જણાવ્યુ કે, શૈલેષ ભટ્ટ ધમકીઓ આપતો હતો. જયેશ પટેલ અને શૈલેષ ભટ્ટ બન્ને મળીને ધમકી આપતા હતા. શૈલેષ ભટ્ટે મને એક ફોન આપ્યો હતો. જેમા તમામ વિગતો આપતો હતો. જ્યારે હું દુબઈમાં હતી, ત્યારે મારો ફોન જયેશ પટેલે લઈ લીધો હતો. બિટકોઈન વિશે માહિતી હોવાના કારણે નિશાને શૈલેષ ધમકી આપતી હોવાનું સામે આવ્યું છે.
વધુમાં તેમણે જણાવ્યું હતું કે હું એક સમયે તે શૈલેષ ભટ્ટ રાખડી બાંધતી હતી. પરંતુ હવે તેના માણસો મને મારાવાના પ્રયાસો કરી રહ્યા છે. મને આપેલા મોબાઇલમાં શૈલેષ ભટ્ટે જ 699 બિટકોઇન છુપાવી રાખ્યા હતા. આ મોબાઈલમાં મારા બચવાના પુરાવા છે કહી મારો ઉપયોગ કર્યો છે. આ મામલે મેં સીઆઇડી ક્રાઇમના અધિકારી તેમજ એટીએસના અધિકારીઓ સમક્ષ સમગ્ર હકીકત રજૂ કરી છે. શૈલેષ ભટ્ટે આપેલા મોબાઈલમાં રૂ.84 કરોડના 699 બિટકોઈન હતા. જે બાદમાં જયેશ પટેલે તેની પાસેથી લઈ લીધો હતો. મને કેટલાક માણસો બદનામ કરવાનો પ્રયાસ કરશે, તેવા ડરથી એક સમયે મેં આત્મહત્યાનો પ્રયાસ પણ કર્યો હતો.
જોકે હવે નિશા ગોંડલિયાએ જયેશ પટેલ અને શૈલેશ ભટ્ટને લઈને જે ખુલાસા કર્યા છે. સાથે જ દુબઈમાં બંને સામે જે ફરિયાદ કરી છે. તેમાં હવે સત્ય કેટલું બહાર આવે છે તે તો હવે પોલીસ તપાસમાં જ જાણવા મળશે.