આપણાં બોલિવૂડ સ્ટાર્સ અને સુપરસ્ટાર્સ પાસે શાનદાર અને સુંદર બંગલા છે. જ્યારે કેટલાક સ્ટાર્સના તો વિદેશમાં પણ આલીશાન ઘર છે. શાહરૂખ, અક્ષય અને સલમાન આ ત્રણેય સ્ટારના દુબઈ, લંડન અને કેનેડામાં જબરદસ્ત અને શાનદાર બંગલા છે. પરંતુ એકમાત્ર આમિર જ એવો સ્ટાર છે જેનો વિદેશમાં કોઈ ઘર નથી. જી હાં, આ વાત આમિરે પોતે એક ઈન્ટરવ્યૂમાં જણાવી હતી.
બોલિવૂડ સ્ટાર્સ પાસે છે શાનદાર બંગલા
કેટલાક સ્ટાર્સના વિદેશમાં પણ છે આલીશાન બંગલા
આમિરનો વિદેશમાં એક પણ બંગલો નથી
આમિરે ખાને આપકી અદાલતમાં જણાવ્યું હતું કે, તેની પાસે વિદેશમાં કોઈ જ ઘર નથી. આમિરે કહ્યું હતું કે, તે એકમાત્ર એવો સ્ટાર છે જેની પાસે વિદેશમાં કોઈ આલીશાન ઘર નથી. આમિર ખાન જણાવે છે કે, હું બે સપ્તાહથી વધારે કોઈપણ દેશમાં રહી શકતો નથી. આપણાં દેશથી સારી મારા માટે કોઈ જગ્યા નથી. કોઈના પણ માટે આપણાં દેશથી સારી જગ્યા હોઈ જ ન શકે. ફિલ્મ ઈન્ડસ્ટ્રીમાં અલગ-અલગ સ્ટાર છે. હું કદાચ એકમાત્ર એવો સ્ટાર છું જેનું દેશની બહાર કોઈ ઘર નથી.
આમિરે આગળ કહ્યું- હું એમ નથી કહેતો કે વિદેશમાં ઘર હોવું ખોટી વાત છે. લોકો અલગ-અલગ દેશોમાં ઘર લે છે. તેમાં કંઈ ખોટું નથી. મને વિશ્વાસ છે કે, જે લોકોએ દેશની બહાર ઘર ખરીદ્યા હશે તેમણે કાયદાકીય રીતે જ ખરીદ્યા હશે. જેથી એ લોકો ખોટા નથી પરંતુ મને ક્યારેય દેશની બહાર ઘર ખરીદવાની જરૂર પડી નથી.
આમિરે કહ્યું તે જ્યારે પણ હોલિડે પર ફેમિલી સાથે જાય છે ત્યારે પણ તેને એવી કોઈ જરૂરિયાત અનુભવાતી નથી. આમિરે કહ્યું-મારા જેટલા પર ઘર છે એક, બે કે ત્રણ બધાં ભારતમાં જ છે. તમને જણાવી દઈએ કે એકવાર આમિરે એવું નિવેદન આપ્યું હતું કે દેશના માહોલને લઈને મારી અંદર અસુરક્ષા અને ડરની ભાવના છે ત્યારે તેની ખૂબ ચર્ચા થઈ હતી અને તેને ખરાબ રીતે ટ્રોલ પણ કરવામાં આવ્યો હતો અને આમિરને પાકિસ્તાન જતા રહેવાનું કહી દેવામાં આવ્યું હતું.
તમને જણાવી દઈએ કે સલમાન, શાહરૂખ અને અક્ષય રિચ અને સુપરસ્ટાર્સ છે. સલમાનનો દુબઈમાં બંગલો છે. શાહરૂખનો લંડન અને દુબઈમાં ઘર છે. દુબઈમાં The Palm Jumeirahમાં શાહરૂખનું ઘર છે. જ્યારે અક્ષયનો કેનેડામાં બંગલો છે.