એક વિખ્યાત ઈન્ટિરીયર ડિઝાઈનર અને બોલિવૂડ શાહરૂખ ખાનની પત્ની ગૌરી ખાનની સામે IPCની કલમ 409 હેઠળ FIR નોંધવામાં આવી છે.
શાહરૂખ ખાનની પત્ની ગૌરી ખાન સામે થઈ FIR
IPCની કલમ 409 હેઠળ FIR નોંધવામાં આવી
ફ્લેટનાં પૈસા લીધાં બાદ પણ ન આપ્યું પઝેશન
મુંબઇ : અભિનેતા શાહરુખ ખાનનો પરિવાર ફરી એક વાર એક મોટી મુશ્કેલીનો સામનો કરી રહ્યો છે. ઉત્તરપ્રદેશના લખનૌમાં બુધવારે બોલિવૂડ અભિનેતા શાહરુખ ખાનની પત્ની ગૌરી ખાન સાથે તુલસિયાની બિલ્ડર્સ વિરુદ્ધ FIR નોંધવામાં આવી છે.
IPCની કલમ 409 હેઠળ FIR નોંધવામાં આવી
આ પ્રોજેક્ટની બ્રાન્ડ એમ્બેસેડર હોવાના કારણે ગૌરી ખાન મુશ્કેલીમાં છે. ગૌરી ખાન વિરુદ્ધ ભારતીય દંડસંહિતા (IPC)ની કલમ-૪૦૯ (વિશ્વાસનો ફોજદારી ભંગ) હેઠળ કેસ નોંધવામાં આવ્યો છે. મળતી માહિતી અનુસાર મુંબઈમાં રહેતા જસવંત શાહે ફરિયાદ નોંધાવી છે.
૮૬ લાખ રૂપિયાનો હતો ફ્લેટ
આ FIR હેઠળ આરોપ લગાવવામાં આવ્યો છે કે જે કંપનીની ગૌરી ખાન બ્રાન્ડ એમ્બેસેડર છે તે કંપનીએ ૮૬ લાખ રૂપિયા તો લીધા પણ પૈસા લીધા બાદ આપેલા સમયમાં ફલેટ આપ્યો ન હતો. ફરિયાદ કરનાર વ્યક્તિનું કહેવું છે કે તેણે બ્રાન્ડ એમ્બેસેડર ગૌરી ખાનથી પ્રભાવિત થઈને આ ફલેટ ખરીદ્યો હતો.
ફ્લેટનાં પૈસા લીધાં બાદ પણ ન આપ્યું પઝેશન
આ ફરિયાદમાં એવો આરોપ લગાવવામાં આવ્યો છે કે ઉત્તરપ્રદેશના લખનૌના સુશાંત ગોલ્ફ સિટી વિસ્તારમાં તુલસિયાની ગોલ્ફ વ્યૂમાં તેમણે જે ફલેટ માટે પૈસા આપ્યા હતા તે ફલેટ કોઈ બીજી વ્યક્તિને આપી દેવામાં આવ્યો હતો. શાહરુખ ખાનની પત્ની ગૌરી ખાન સિવાય તુલસિયાની કન્સ્ટ્રક્શન એન્ડ ડેવલપમેન્ટ લિમિટેડના પ્રમુખ નિદેશક અનિલકુમાર તુલસિયાની અને સાથી નિદેશક મહેશ તુલસિયાની વિરુદ્ધ પણ ફરિયાદ દાખલ કરવામાં આવી છે.માહિતી અનુસાર ગૌરી ખાન પર આરોપ છે કે 86 લાખની કિંમત ધરાવતાં ફ્લેટનું વેંચાણ કિરટ જસવંત શાહ કે જે મુંબઈમાં રહે છે તેને કરવામાં આવ્યું હતું. તેમના અનુસાર તેમણે આ ફ્લેટની સમગ્ર કિંમત ચૂકવી હતી છતાં પણ તેમને પઝેશન આપવામાં નહોતું આવ્યું.