પાકિસ્તાનના પેશાવરમાંથી ચૂંટણી લડશે શાહરૂખ ખાનની બહેન!

બોલિવુડના સુપરસ્ટાર શાહરૂખ ખાનની કાકાની દિકરી નૂરજહાં પાકિસ્તાનમાં 25 જૂલાઇએ પાકિસ્તાનમાં યોજાયનારી ચૂંટણીમાં લડશે. પેશાવરથી વિધાનસભા ચૂંટણી લડી રહેલી નૂરજહાં એક ઇન્ટરવ્યૂમાં જણાવ્યુ કે શાહરૂખને જેટલું સમર્થન મળે છે તેટલું જ મને મળશે તેવી આશા છે.

નૂરજહાં ખેબર પખ્તૂનવા પ્રાંતની PK-77 સીટથી ચૂંટણી લડશે. નૂરજહાં પેશાવરના મોહલ્લા શાહવાલી કતલ વિસ્તારમાં રહે છે જ્યાંથી તેણે પોતાનું ચૂંટણી અભિયાન શરૂ કર્યું હતું. નૂરજહાં કાઉન્સિલર પણ રહી ચૂકી છે અને છેલ્લા થોડા વર્ષોથી રાજનીતિમાં સક્રિય છે. 



નૂરજહાંને પાડોશીઓનું પૂરતું સમર્થન છે. પાડોશીઓનું કહેવું છે કે નૂરજહાંનો સમય સારો હોય કે ખરાબ અમે તેની સાથે જ રહીશું.

એક મીડિયા રિપોર્ટ અનુસાર નૂરજહાં મહિલા સશક્તિકરણ માટે કામ કરવા માગે છે. તે પોતાના મતવિસ્તારની સમસ્યાઓ પર ધ્યાન કેન્દ્રિત કરવા માંગે છે. નૂરજહાં અપક્ષ ઉમેદવારી નોંધાવી છે. 

નૂરજહાં જે બેઠકથી લડી રહી છે  ત્યાં ગત ચૂંટણીમાં પાકિસ્તાનની તહરીક-એ-ઈંસાફ પાર્ટીના શૌકત યુસુફઝઈની જીત થઈ હતી.