શાહરૂખ ખાનની ફિલ્મ પઠાણનું ટ્રેલર રિલીઝ થયા બાદ સોશિયલ મીડિયા પર ધૂમ વાયરલ થઇ રહ્યું છે આવી સ્થિતિમાં પઠાણ ફિલ્મને બુર્જ ખલીફા પર બતાવવામાં આવે તેવુ જાણવા મળી રહ્યું છે.
પઠાણ ફિલ્મને લઈને એક મોટા સમાચાર
પઠાણનું ટ્રેલર દુબઈની બુર્જ ખલીફા પર બતાવવામાં આવશે
યશ રાજ ફિલ્મ્સનું સત્તાવાર નિવેદન
શાહરૂખ ખાનના ચાલકો પઠાણ ફિલ્મની આતુરતા પૂર્વક રાહ જોઈ રહ્યા છે. જેનું ખાસ કારણ એ છે કે આ ફિલ્મમાં ચાર વર્ષ જેટલા લાંબા સમય બાદ શાહરૂખ મોટા પડદા પર હીરો તરીકે ફરી આવી રહ્યો છે. ઉપરાંત આ ફિલ્મને ભારતની અત્યાર સુધીની સૌથી મોટી એક્શન ફિલ્મ માનવામાં આવી રહી છે જેમાં કિંગ ખાન રોમાન્સ કરતાં એક્શન કરતો જોવા મળશે. આથી દર્શકોની અપેક્ષા પઠાણ પાસેથી વધી રહી છે. આવી સ્થિતિ વચ્ચે ફિલ્મને લઈને એક મોટા સમાચાર આવી રહ્યા છે.
ફિલ્મ પઠાણનું ટ્રેલર દુબઈની પ્રખ્યાત બુર્જ ખલીફા પર બતાવાશે
જેમાં જાણવા મળતી વિગત અનુસાર શાહરુખ ખાન ની આ પઠાણ ફિલ્મનું બુર્જ ખલીફા પર ટ્રેલર દર્શાવવામાં આવશે. યશરાજ ફિલ્મ્સના બેનર હેઠળ નિર્માણ પામેલી આ ફિલ્મ પઠાણનું ટ્રેલર તાજેટરમાં જ બહાર આવ્યું છે. ત્યારબાદ હવે આ ટ્રેલરે સોશિયલ મીડિયા પર અનેરો ઝલવો ફેલાવ્યો છે. જેને લઈને દર્શકોની પણ આશા વધી છે. આ તમામ વચ્ચે ફિલ્મ પઠાણનું ટ્રેલર દુબઈના પ્રખ્યાત બુર્જ ખલીફા પર બતાવવામાં આવશે. તેવું કહેવાઇ રહ્યું છે.
આપને જણાવી દઇએ કે પઠાણ ફિલ્મમાં શાહરૂખ ખાનની સાથે દીપિકા પાદુકોણ, જોન અબ્રાહમ, આશુતોષ રાણા,ડિમ્પલ કાપડિયા સહિતના કલાકારો જોવા મળશે અને આ ફિલ્મ હિન્દી, તેલુગુ, તમિલ સહિતની ભાષામાં 25 જાન્યુઆરીના રોજ રિલીઝ થવા જઇ રહી છે.
યશ રાજ ફિલ્મ્સે સત્તાવાર નિવેદન આપ્યું...
આ દરમીયાન શાહરૂખ ખાન ઈન્ટરનેશનલ લીગ T20માં જીડાઈ રહ્યો છે. આ દરમિયાન યશ રાજ ફિલ્મ્સે સત્તાવાર નિવેદન આપીને જણાવ્યું છે કે શાહરૂખ ખાનની ફિલ્મને બુર્જ ખલીફા પર ટ્રેલર જોઇ શકાશે. બીજી તરફ ઇન્ટરનેશનલ ડિસ્ટ્રિબ્યુશનના વાઇસ પ્રેસિડેન્ટ નેલ્સન ડિસોઝાએ આ મામલે જણાવ્યું કે પઠાણ એ ફિલ્મ છે જેની અમે પણ આતુરતાથી રાહ જોઈ રહ્યા છીએ. તેમણે વધુમાં કહ્યું કે અમને જણાવતા આનંદ થાય કે દુબઈ શાહરૂખ ખાનની આ ફિલ્મનું સેલિબ્રેશન કરશે. તેમણે એમ પણ ઉમેર્યું કે શાહરૂખ ખાન અત્યારે ઇન્ટરનેશનલ લીગ T20 માટે UAEમાં છે, જે સૌથી સુંદર ઇમારતમાં પોતાને જોવા માટે સમય કાઢશે. મહત્વનુ છે કે UAEમાં શાહરૂખ ખાનનો ચાહક વર્ગ મોટો છે. આ પગલુ આજના સમયમાં પઠાણની ચાલી રહેલી હાઈપને વધારવા માટે મહત્વનો ભાગ ભજવશે.