શાહરૂખ ખાનની પત્ની ગૌરી ખાન એક શાનદાર ઇન્ટિરિયર ડિઝાઇનર છે. ગૌરી ખાને અનેક બોલીવૂડ સ્ટાર્સના ઘરને ખૂબ જ શાનદાર રીતે સજાવ્યા બાદ હવે શાહરુખ ખાનની મેનેજર પૂજા દદલાણીના ઘરની ડિઝાઈન તૈયાર કરી છે.
પૂજાના ઘરને આટલું સુંદર અને ક્લાસી બનાવવામાં શાહરૂખ ખાનની પત્ની ગૌરી ખાનનો સૌથી મોટો હાથ
ઘરનો લિવિંગ રૂમ ખૂબ જ ખાસ છે અહીં સુંદર ચિત્રો ખૂબ સરસ રીતે સજાવવામાં આવ્યા
પૂજા દદલાણી લગભગ એક દાયકાથી શાહરૂખ ખાન સાથે કામ કરી રહી છે
શાહરૂખ ખાનની પત્ની ગૌરી ખાન એક શાનદાર ઇન્ટિરિયર ડિઝાઇનર છે. ગૌરી ખાને અનેક બોલીવૂડ સ્ટાર્સના ઘરને ખૂબ જ શાનદાર રીતે સજાવ્યા બાદ હવે શાહરુખ ખાનની મેનેજર પૂજા દદલાણીના ઘરની ડિઝાઈન તૈયાર કરી છે.
પૂજાએ થોડા સમય પહેલા સોશિયલ મીડિયા પર પોતાના ઘરના નવા લૂકની ઝલક ચાહકો સાથે શેર કરી હતી. ખાસ વાત એ છે કે પૂજાના ઘરને આટલું સુંદર અને ક્લાસી બનાવવામાં શાહરૂખ ખાનની પત્ની ગૌરી ખાનનો સૌથી મોટો હાથ છે.
સોશિયલ મીડિયા પર પોસ્ટ કરવામાં આવેલી તસવીરમાં પૂજા અને ગૌરી એક સાથે સોફા પર બેસેલા જોવા મળી રહ્યા છે. બીજી તસવીરમાં બંને અરીસા પાસે પોઝ આપી રહ્યાં છે. આ તસવીર શેર કરતા તેણે લખ્યું મારા નવા ઘરમાં પ્રથમ પગલું... ગૌરી ખાને મારા મકાનને ઘર બનાવી દીધું.
પૂજા દદલાણીના ઘરની વાત કરીએ તો તે ખૂબ જ સુંદર ઘર છે. ઘરનો લિવિંગ રૂમ ખૂબ જ ખાસ છે. અહીં સુંદર ચિત્રો ખૂબ સરસ રીતે સજાવવામાં આવ્યા છે.
મિન્ટ કલરના સોફા અને લાકડાનું ટેબલ કમ્પલિટ લૂક આપે છે. સાથે જ ઘરની અંદર લગાવવામાં આવેલા વિન્ટેજ લેમ્પ શેડ્સ અને વૃક્ષો ઘરમાં પ્રકૃતિની નજીક હોવાનો અહેસાસ કરાવે છે.આ સિવાય લિવિંગ રૂમમાં લગાવવામાં આવેલું ઝુમ્મર રોયલ ફીલ આપે છે.
પૂજા દદલાણી લગભગ એક દાયકાથી શાહરૂખ ખાન સાથે કામ કરી રહી છે. તે શાહરૂખની બ્રાન્ડ એન્ડોર્સમેન્ટથી લઈને તેની ક્રિકેટ ટીમ સુધીની ઘણી બાબતો સંભાળે છે.
બીજી તરફ પૂજાના પગારની વાત કરીએ તો તે ઘણો મોટી પગાર લે છે. એક રિપોર્ટ્સ અનુસાર, શાહરૂખ ખાન પૂજાને વાર્ષિક આશરે 20 કરોડ રૂપિયાનો પગાર આપે છે.