પઠાણના રિલિઝના પહેલા દિવસે ટોકિઝમાં મળતાં મોંઘા પોપકોર્નની ફરિયાદ લઈને એક ફેન શાહરુખ પાસે પહોંચ્યો ત્યારે તેણે જે જવાબ આપ્યો તે ખૂબ વાયરલ થયો છે.
25 જાન્યુઆરી 2023ના દિવસે શાહરુખની પઠાણ ફિલ્મ થશે રિલિઝ
ફેને શાહરુખને કરી મોંઘા પોપકોર્નની ફરિયાદ
ટોકિઝમાં પહેલા દિવસે પોપકોર્ન મફતમાં મળે તેવું કરવાનું કહ્યું
શાહરુખ બોલ્યો, ઘેરથી ખાઈને જવાનું
બોલિવૂડનો 'બાદશાહ' શાહરૂખ ખાન આજકાલ તેની આગામી ફિલ્મ 'પઠાણ'ને લઈને ચર્ચામાં છે. આ ફિલ્મના ગીત 'બેશરમ રંગ'ને લઈને સોશિયલ મીડિયા પર હંગામો મચી ગયો છે. શનિવારે શાહરૂખ ખાને પોતાના ફેન્સને ચોંકાવી દીધા હતા. શાહરૂખને જ્યારે પણ સમય મળે છે ત્યારે તે પોતાના ફેન્સ સાથે જોડાયેલા રહે છે. આજે જ્યારે શાહરૂખે એક ટ્વિટ ટ્વિટર પર મૂક્યું તો ફેન્સે સવાલોનો ધોધ વરસાવવાનું શરૂ કરી દીધું હતું. શાહરૂખે પણ ફેન્સના સવાલોના જવાબ આપ્યા હતા. આમાંથી એક ટ્વીટ વાયરલ થઈ રહ્યું છે.
યુવકનો સવાલ અને શાહરૂખનો જવાબ ખૂબ વાયરલ
આ યુવકનો સવાલ અને શાહરૂખનો જવાબ સોશિયલ મીડિયા પર ખૂબ વાયરલ થઇ રહ્યો છે. એક ટ્વિટર યુઝરે શાહરુખને કહ્યું, "સર, જે દિવસે પઠાણને રિલીઝ કરવામાં આવશે તે દિવસે સર પ્લીઝ થિયેટરમાં પહેલા દિવસે મફત પોપકોર્ન મળે તેવું ગોઠવો, કારણ કે અમને ખૂબ મોંઘું પડે છે.
યૂઝરે આગળ લખ્યું કે આ ખૂબ જ મોંઘા છે પ્લીઝ.
ઘેરથી ખાઈને જજો, પોપકોર્ન ખાવાની જરુર નહીં પડે
આના પર શાહરૂખે જવાબ આપ્યો કે ખાવાનું ખાધા બાદ ઘર છોડીને જતા રહો. પોપકોર્નની જરૂર નહીં પડે. શાહરૂખના આ જવાબ બાદ આ ટ્વિટ વાયરલ થઇ ગયું છે.
હું કેવી રીતે લગ્ન કરીશ?
ટ્વિટર યુઝર્સ અજીબોગરીબ પ્રતિક્રિયાઓ આપી રહ્યા છે. એક યુઝરે લખ્યું કે 'વાસ્તવિકતા એ છે કે તમે લોકો ઘણી ફી ચાર્જ કરો છો. આ કિસ્સામાં, ટિકિટ ખૂબ જ મોંઘી થઈ જાય છે. સાથે જ અમારા બાળકો પણ ટોકિઝમાં જઈને પોરકોર્ન અને બર્ગર માગે છે તો ત્યારે અમારે શું કરવું. એક મહિલા યુઝરે લખ્યું કે હું 25 જાન્યુઆરીએ લગ્ન કરવા જઇ રહી છું, હવે પઠાણને કેવી રીતે જોઇશ?