ડ્રગ્સ મામલે ક્લિનચીટ મળ્યા બાદ હવે ફરી એકવાર આર્યન ખાનનો લેટેસ્ટ વીડિયો સોશિયલ મીડિયા પર વાયરલ થયો છે. આ વીડિયોમાં આર્યન દારૂ પીતો જોવા મળી રહ્યો છે.
આર્યન ખાનનો વીડિયો સોશિયલ મીડિયા પર વાયરલ
વીડિયોમાં આર્યન દારૂ પીતો જોવા મળી રહ્યો છે
ગયા વર્ષે ડ્રગ્સ કેસમાં એનસીબીએ આર્યનની ધરપકડ કરી હતી
સુપરસ્ટાર શાહરૂખ ખાનના પુત્ર આર્યન ખાનનો એક લેટેસ્ટ વીડિયો સોશિયલ મીડિયા પર વાયરલ થઇ રહ્યો છે. વીડિયો કોઈ પાર્ટીનો હોય તેવું લાગી રહ્યું છે અને આસપાસથી સ્પષ્ટ છે કે આ વીડિયો પબ કે બારનો છે. વીડિયોમાં આર્યન પોતાના ઘણા મિત્રો સાથે સેલિબ્રેશનમાં ડૂબેલો જોવા મળી રહ્યો છે. આ દરમિયાન કોઈએ આર્યન ખાનનો વીડિયો બનાવીને સોશિયલ મીડિયા પર શેર કર્યો હતો. આ પછી હવે આ વીડિયો સોશિયલ મીડિયા પર ખુબ જ ઝડપથી વાયરલ થઇ રહ્યો છે.
આર્યન ખાનનો વીડિયો વાયરલ
આ વીડિયોમાં તમે જોઈ શકો છો કે આર્યન ટેબલ પરથી ગ્લાસ ઉઠાવીને આખું ડ્રિંક લે છે અને પછી ખાલી ગ્લાસને પાછો મૂકી દે છે. આર્યનનો આ વીડિયો જોયા બાદ સોશિયલ મીડિયા યુઝર્સ અલગ અલગ પ્રકારના રિએક્શન આપી રહ્યા છે. ઘણા લોકો દારૂ પીવા બદલ આર્યનની ટીકા કરી રહ્યા છે, તો કેટલાક લોકો કહે છે કે તેની પર્સનલ સ્પેસને માન આપવું જોઈએ.
પાર્ટીમાં ડૂબેલ આર્યન ખાન
વીડિયોમાં જોઈ શકાય છે કે આર્યન ખાન એક ક્લબમાં છે અને પોતાના મિત્રો સાથે પાર્ટીમાં મસ્તી કરી રહ્યો છે. તેઓ દારૂ પીતા પણ જોવા મળે છે. આ સમય દરમિયાન તેના ચહેરા પર માસ્ક હતું, પરંતુ ડ્રિંક પીતી વખતે તેણે માસ્ક કાઢી નાખ્યું અને ડ્રિંક પીધા બાદ તેણે ફરીથી ચહેરા પર માસ્ક લગાવી દીધું. વીડિયો સામે આવ્યા બાદ આર્યન ખાન ફરીથી હેડલાઇન્સમાં આવ્યો હતો.
ડ્રગ્સ કેસમાં ક્લીન ચિટ
ગયા વર્ષે ડ્રગ્સ કેસમાં એનસીબીએ આર્યન ખાનની ધરપકડ કરી હતી. તે ઘણા દિવસો સુધી જેલમાં પણ રહ્યો હતો. જો કે બાદમાં તેને એનસીબી કોર્ટ તરફથી ક્લિનચીટ મળી ગઇ હતી. એનસીબીએ આર્યન ખાન સહિત પાંચ લોકોને પુરાવા ન મળતા મુક્ત કર્યા હતા. એટલું જ નહીં સ્પેશિયલ કોર્ટે આર્યન ખાનનો પાસપોર્ટ પરત કરવાનો આદેશ પણ જારી કર્યો છે.