કાર્યવાહી / ડ્રગ્સ પાર્ટી કેસઃ એક દિવસની NCBની કસ્ટડીમાં રહેશે આર્યન ખાન સહિત ત્રણેય આરોપી

• મુંબઈથી ગોવા જઈ રહેલ ક્રૂઝમાં ચાલી રહી હતી ડ્રગ્સ પાર્ટી
• ક્રૂઝ પર શાહરુખ ખાનનો દીકરો આર્યન પણ હતો હાજર
• આર્યન ખાનની પૂછપરછ બાદ ધરપકડ કરાઇ હતી

મુંબઈથી ગોવા જઇ રહેલી ક્રૂઝ શિપમાં શનિવાર મોડી રાત્રે NCBએ દરોડામાં શાહરૂખ ખાનના દીકરા આર્યન ખાનની ધરપકડ કરી લીધી છે. NCBએ આર્યન સહિત 8 લોકોની ક્રૂઝમાં ડ્રગ્સ પાર્ટીને લઇને તેમની પૂછપરછ કરી હતી, જેમની હવે ધરપકડ કરી લેવામાં આવી છે. હાલ આર્યન ખાનને મેડિકલ તપાસ અર્થે જેજે હોસ્પિટલ લઈ જવાયો હતો. આર્યન ખાન સહિત ત્રણ આરોપીઓના મેડિકલ ટેસ્ટ કરાયા હતા. આ મેડિકલ તપાસ બાદ NCB ઓફિસ લવાયા હતા. ત્યારબાદ NCB દ્વારા ત્રણેય આરોપીને કોર્ટમાં રજૂ કરાયા હતા.

કસ્ટડીમાં રહેશે આર્યન ખાન

આર્યન ખાન અને બાકી 2 આરોપીઓને એક દિવસની કસ્ટડી મળી ગઇ છે. એક દિવસ માટે NCBની કસ્ટડીમાં ત્રણેય આરોપીઓ રહેશે. જણાવવામાં આવી રહ્યું છે કે NCBની ઑફિસમાં આર્યન ખાન, આરબાઝ મર્ચેન્ટ અને મુનમુન ધમેચાને આખી રાત રાખવામાં આવશે. તમામ આરોપી NCB ઓફિસ પહોંચી ચૂક્યા છે, જ્યાં તેમની ફરી એક વખત પૂછપરછ કરવામાં આવશે.

Mumbai: Aryan Khan, Arbaz Seth Merchant and Munmun Dhamecha have been sent to NCB custody till tomorrow.

They were arrested in connection with the raid at a party at a cruise off the Mumbai coast yesterday. pic.twitter.com/12MQGPPPIo

— ANI (@ANI) October 3, 2021

NCBએ ત્રણેય આરોપીઓની કસ્ટડી માંગી

કિલા કોર્ટમાં આર્યન ખાન અને અન્ય આરોપીઓને રજૂ કરાયા છે. આર્યન પર માત્ર ડ્રગ્સ સેવન કરવાનો આરોપ લાગ્યો છે. ત્યારે મુનમુન ધમેચા અને અરબાઝ મર્ચેન્ટ પર ડ્રગ્સ રાખવાનો આરોપ પણ લાગ્યો છે. NCBએ 5 ઓક્ટોબર સુધી ત્રણેય આરોપીઓની કસ્ટડી માંગી છે.

આર્યન ખાને NCB સમક્ષ ડ્રગ્સ લીધુ હોવાની વાત કબૂલીઃ સૂત્ર

સૂત્રો દ્વારા મળતી માહિતી અનુસાર, આર્યન ખાને NCB સમક્ષ ડ્રગ્સ લીધુ હોવાની વાત કબૂલી છે. મહત્વનું છે કે, નાર્કોટીક્સ એક્ટ હેઠળ શાહરૂખ ખાનના પુત્ર આર્યન ખાનની ધરપકડ કરવામાં આવી છે. આ એક્ટ હેઠળ 10 વર્ષની સજાની જોગવાઇ છે. 

આર્યનના મિત્ર અરબાઝ મર્ચેન્ટ સહિત આ લોકો કરાઇ પૂછપરછ

NCBએ આર્યન સહિત 3 લોકોની ધરપકડ કરી છે. તો આ ડ્રગ્સ પાર્ટીમાં સામેલ લોકોમાં આર્યન ખાન, અરબાજ મર્ચેન્ટ, મુનમુન ધામેચા, નુપુર સારિકા, ઇસ્મિત સિંહ, મોહક જાયસવાલ, વિક્રાંત છોકર અને ગોમિત ચોપડા છે. અરબાજ મર્ચેન્ટ, આર્યનના મિત્ર છે.

#WATCH | Mumbai: Three of the eight detained persons, in connection with the raid at a party at a cruise off the Mumbai coast, were being taken for the medical test by NCB pic.twitter.com/JVAYF6fMb5

— ANI (@ANI) October 3, 2021

NCBની પૂછપરછમાં આર્યનને ખુદને પાર્ટીના ગેસ્ટ ગણાવ્યા

આર્યન સાથે NCBની પૂછપરછમાં આર્યને જણાવ્યું હતું કે, તેઓ પાર્ટીમાં ગેસ્ટ તરીકે પહોંચ્યા હતા. આર્યને કહ્યું કે, પાર્ટીમાં સામેલ થવા માટે તેમને કોઈ પૈસા નહોતા આપવામાં આવ્યા. તેમણે દાવો કર્યો કે, પાર્ટીના ઑર્ગેનાઇઝરે તેમના નામનો ઉપયોગ કરીને લોકોને પાર્ટીમાં બોલાવ્યા હતા. કેસની તપાસ માટે NCBએ આર્યનનો ફોન જપ્ત કરી તેમના ચેટ્સની તપાસ કરશે.