બોલિવૂડના કિંગ ખાન શાહરુખ ખાનના દીકરા આર્યન ખાનને હાલ જામીન નહીં મળવાના કારણે તે મુંબઈની આર્થર રોડ જેલમાં જ રહેશે.
આર્યન ખાનને જેલમાં 956 નંબર આપવામાં આવ્યો છે
આર્યન ખાનને હાલ જામીન નહીં મળવાના કારણે તે મુંબઈની આર્થર રોડ જેલમાં જ છે
શાહરૂખે મની ઓર્ડરથી જેલમાં પૈસા મોકલાવ્યા
જેલની અંદર દરેક કેદીને એક નંબર આપવામાં આવે છે. આર્યન ખાનને 956 નંબર આપવામાં આવ્યો છે. જેલમાં કેદી નંબરને બંદી નંબર પણ કહેવામાં આવે છે. જેલમાં કોઈપણ કેદીને તેના નંબરથી બોલાવામાં આવે છે. આ રીતે આર્યન ખાનને બોલાવવા માટે 956 નંબરનો ઉપયોગ કરવામાં આવશે. જ્યાં સુધી આર્યન ખાન જેલમાં રહેશે ત્યાં સુધી તેને આ જ નંબરથી બોલાવાશે.
આર્યન ખાનને જેલની અંદર 11 ઓક્ટોબરે 4500 રૂપિયાનો મની ઓર્ડર આવ્યો હતો. આર્યન ખાનને આ મની ઓર્ડર તેના પિતા શાહરુખ ખાને મોકલ્યો હતો. આર્યન ખાને આ મની ઓર્ડરનો ઉપયોગ પોતાના કેન્ટિનના ખર્ચા માટે કર્યો. જેલના નિયમ મુજબ, એક કેદીને એક મહિનામાં માત્ર 4500 રૂપિયાના મની ઓર્ડરની અનુમતિ છે.
ઉલ્લેખનીય છે કે, 2 ઓક્ટોબરની રાતે મુંબઈમાં ક્રૂઝ પર યોજાઈ રહેલી ડ્રગ્સ પાર્ટી પર NCBના દરોડામાં આર્યન ખાન પકડાયો હતો. આર્યન ખાનની સાથે અન્ય લોકો પણ પકડાયા હતા. આ પછી આર્યન ખાન સહિત તમામ આરોપીઓને NCBની કસ્ટડીમાં મોકલવામાં આવ્યા હતા. બાદમાં કોર્ટે તેમને 14 દિવસની ન્યાયિક કસ્ટડીમાં મોકલી આપ્યા હતા. હાલમાં, આર્યન ખાન મુંબઈની આર્થર રોડ જેલમાં કેદ છે.