VIDEO / મારી પાસે પૈસા નથી, પણ જો પઠાન જોવા નહીં મળે તો તળાવમાં કૂદીને મરી જઈશ...: શાહરુખને ફેનની ધમકી

• શાહરૂખ ખાનનાં ફેને આપી ધમકી
• ફિલ્મ પઠાણને લઈને બનાવ્યો ફેને વિડીયો
• તળાવમાં કૂદીને જીવ આપવાની આપે છે ધમકી

શાહરૂખ ખાનની ફિલ્મ પઠાણ ટૂંક સમયમાં જ 25 જાન્યુઆરીનાં રોજ રિલીઝ થવા જઈ રહી છે. જેમ-જેમ તારીખ નજીક આવી રહી છે તેમ-તેમ ફેન્સ વધુને વધુ ઉત્સુક થઈ રહ્યાં છે. એવો જ એક શાહરૂખ ખાનનો ફેન સોશિયલ મીડિયામાં ચર્ચાઈ રહ્યો છે. બિહારનાં આ ફેને ધમકીનો એક વીડિયો પોસ્ટ કર્યો છે. આ ધમકી ફિલ્મ કે એક્ટર સામેની નથી. વીડિયો જોઈ તમે પણ ચોંકી જશો.

#Pathaan plz support me friends plz Pathaan 1 tickets plz help 😭😭 #PathaanMovie #PathaanFirstDayFirstShow pic.twitter.com/1ue59cw2OJ

— Riyan (@Riyan0258) January 19, 2023

તળાવમાં કૂદવાની ધમકી
ફેનનો આ વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં ફેન કહી રહ્યો છે કે 'જો હું પઠાણ પિક્ચર નહીં જોઈ શકું અને શાહરૂખ ખાનથી ન મળી શક્યો તો આ તળાવમાં 25 તારીખે કૂદીને પોતાની જાન આપી દઈશ. એક સપનું હતું શાહખાનથી મળવાનો અને પઠાણ મૂવી જોવાનો પરંતુ પૈસાનાં કારણે હું મૂવીની ટિકીટ નથી લઈ શકતો અને ન મારી કોઈ હેલ્પ કરી રહ્યું છે. તો હું 25 તારીખે આ તળાવમાં કૂદીને આત્મહત્યા કરીશ જો હું શાહરૂખ ખાનને ન મળી શક્યો તો...કમ સે કમ પઠાણની એક ટિકીટ તો કરાવી દો યાર, પ્લીઝ હેલ્પ મી બ્રો'

પઠાણની એડવાન્સ બુકિંગ શરૂ
શાહરૂખ ખાન, દીપિકા પાદુકોણની પિક્ચર પઠાણની બમ્પર એડવાન્સ બુકિંગ શરૂ થઈ ગઈ છે અને કહેવાઈ રહ્યું છે કે માત્ર 12 કલાકમાં લાખોની ટીકિટો વેંચાઈ ગઈ છે. લોકો આતુરતાથી આ પિક્ચરનાં રિલીઝની રાહ જોઈ રહ્યાં છે.