'પઠાણ' પર ચાલી રહેલા હોબાળા વચ્ચે શાહરૂખ ખાનનો એક જૂનો વીડિયો વાયરલ થઇ રહ્યો છે, જેમાં તેઓ બોયકૉટ ટ્રેન્ડ પર વાત કરી રહ્યાં છે. શાહરૂખ કહી રહ્યાં છે કે તેઓ એટલા હલ્કા નથી કે બૉયકૉટ ટ્રેન્ડની હવાથી હલી જાય. તેમને અને તેમના પરિવારને આ બધી વાતોથી કોઈ ફરક પડતો નથી.
પઠાણના હોબાળા વચ્ચે શાહરૂખનો જૂનો વીડિયો થયો વાયરલ
વીડિયોમાં શાહરૂખ બૉયકૉટ ટ્રેન્ડ પર કરી રહ્યો છે વાત
એટલો હલ્કો નથી કે બૉયકૉટ ટ્રેન્ડની હવાથી હલી જઉં
હિન્દુ-મુસ્લિમ સંગઠનો 'બેશરમ રંગ'નો કરી રહ્યાં છે વિરોધ
છેલ્લાં ઘણા સમયથી બોલીવુડ ફિલ્મોને લઇને બૉયકૉટની હવા ચાલી રહી છે. કોઈ ફિલ્મનુ પોસ્ટર અથવા ટ્રેલર રીલીઝ થતુ નથી કે લોકો તેમાં ખામીઓ કાઢીને નિશાને લે છે. હવે શાહરૂખ ખાનની ફિલ્મ પઠાણ નિશાને છે. આ ફિલ્મના ગીત 'બેશરમ રંગ'માં દીપિકા દ્વારા પહેરવામાં આવેલી ભગવા રંગની બિકિની અને બોલ્ડ સીન પર હોબાળો થયો છે. હોબાળો એટલો વધ્યો છે કે ઈન્દોરમાં શાહરૂખ અને દીપિકાના પુતળા બાળવામાં આવ્યાં અને હિન્દુ-મુસ્લિમ સંગઠનો પણ ફિલ્મના વિરોધમાં ઉભા થયા છે.
સોશિયલ બૉયકૉટથી નુકસાન થશે?
શાહરૂખ ખાનનો આ વીડિયો ઘણો જૂનો છે અને એક શોનો છે. શોમાં ગયેલા શાહરૂખને જ્યારે પૂછવામાં આવ્યું હતુ કે તમને લાગે છે કે તમને સોશિયલ બૉયકૉટથી નુકસાન થશે?
એટલો હલ્કો નથી કે બૉયકૉટ ટ્રેન્ડની હવાથી હલી જઉં
જવાબમાં શાહરૂખે કહ્યું, કામ વગરની વાત ના કરો યાર. હવાથી થોડો હલી જવાનો છુ. હવાથી ઝાડ હલી જાય છે. એવા લોકો જેણે બૉયકૉટ કર્યો તેઓ ઘણા ખુશ હશે અને તેઓ પણ અમારા કારણે ખુશ છે. પરંતુ આ દેશમાં જેટલો પ્રેમ મને કરવામાં આવ્યો છે. હુ સોય ઝાટકીને કહુ છુ કે ખૂબ ઓછા લોકોને કરવામાં આવે છે. આ પ્રેમ એક અથવા બે વાતથી ઓછો ના થાય. આ ફરક લોકો સમજે છે. મને નથી લાગતુ કે બૉયકૉટે મને અને મારા પરિવારને પ્રભાવિત કર્યુ હોય.
શાહરૂખે હાલમાં કોલકત્તા ઈન્ટરનેશનલ ફિલ્મ ફેસ્ટિવલમાં પઠાણને લઇને થયેલા હોબાળા પર કહ્યું હતુ કે દુનિયા ગમે તે કરી લે, પરંતુ જ્યાં સુધી સકારાત્મક માણસો જીવતા છે, ત્યાં સુધી કોઈ કશુ કરી શકશે નહીં. શાહરૂખે કહ્યું હતુ, મને આ વાત જણાવવામાં કોઈ પણ વાંધો નથી કે દુનિયા કઈ પણ કરી લે... હું અને તમારા જેવા જેટલા પણ પોઝીટીવ માણસો છે, બધા જીવતા છે.