શાહરૂખ ખાન તાજેતરમાં જ મુંબઈ એરપોર્ટ પર જોવા મળ્યો હતો, પરંતુ તે છત્રી પાછળ સંતાઈ ગયો હતો. જુઓ આ વીડિયો
મુંબઈ એરપોર્ટ પર જોવા મળ્યો હતો શાહરૂખ ખાન
ફિલ્મનો લુક રીવીલ ન થાય એટલા માટે છત્રી પાછળ સંતાઈ ગયો
આ પહેલા પણ કિંગ ખાન આમ કરી ચુક્યો છે
બોલિવુડ એક્ટર શાહરૂખ ખાન ચાર વર્ષ બાદ સિલ્વર સ્ક્રીન પર કમબેક કરી રહ્યો છે. શાહરુખ ખાન હાલમાં ડાયરેક્ટર રાજકુમાર હિરાનીની ફિલ્મ 'ડંકી'ના શૂટિંગમાં વ્યસ્ત છે. હાલમાં જ શાહરુખ ખાન મુંબઈના પ્રાઇવેટ એરપોર્ટ કલીનામાં જોવા મળ્યો હતો. જોકે, શાહરુખની એક ઝલક પણ જોવા મળી નહોતી.
છત્રી પાછળ સંતાયો કિંગ ખાન
શાહરુખ ખાન જ્યારે પોતાની કારમાંથી ઉતર્યો એટલે તરત જ બૉડીગાર્ડે મોટી છત્રી ખોલી હતી. આ છત્રીમાં છુપાઈને શાહરુખ ખાન એરપોર્ટની અંદર ગયો.
પહેલા પણ આવું બન્યું હતું
કિંગ ખાને આવું પહેલીવાર નથી કર્યું. આ પહેલાં રણબીર-આલિયાની રિસેપ્શન પાર્ટી તથા નેટફ્લિક્સની ગ્લોબલ ટીવી ચીફ બેલાની પાર્ટીમાં પણ શાહરુખ ખાન કાર પર કાળા પડદા લગાવીને આવ્યો હતો. તે સમયે ચર્ચા હતી કે શાહરુખ ખાન આગામી ફિલ્મ માટે પોતાનો લુક રિવીલ કરવા માંગતો નથી. ગયા વર્ષે નવેમ્બરમાં શાહરુખ ખાન કલીના એરપોર્ટ પર દિલ્હીથી મુંબઈ આવ્યો ત્યારે તેણે સિક્યોરિટી પાસે છત્રી મંગાવી હતી અને છત્રી પાછળ સંતાઈને કારમાં બેસીને મન્નત ગયો હતો. તે સમયે ચર્ચા હતી કે શાહરુખ ખાન દિલ્હી કોઈ મિટિંગમાં ગયો હતો.
શાહરૂખનાં અપકમિંગ પ્રોજેક્ટ્સ
શાહરુખ ખાન 'પઠાન'માં જ્હોન અબ્રાહમ તથા દીપિકા પાદુકોણ સાથે જોવા ણળશે. આ ફિલ્મ આવતા વર્ષે 25 જાન્યુઆરીના રોજ રિલીઝ થશે. શાહરુખ ખાન 'ડંકી'માં તાપસી પન્નુ સાથે પહેલી જ વાર કામ કરી રહ્યો છે. આ ફિલ્મ 22 ડિસેમ્બર, 2023માં રિલીઝ થશે. આ ઉપરાંત શાહરુખ ખાન સાઉથ ડિરેક્ટર એટલીની ફિલ્મમાં કામ કરી રહ્યો છે. આ ફિલ્મમાં તે ડબલ રોલમાં છે. ફિલ્મમાં સાઉથ એક્ટ્રેસ નયનતારા છે.