Shahrukh Khan Help Cancer Patient: શાહરૂખ ખાને હાલમાં જ પોતાની 60 વર્ષની કેન્સર પીડિત ફેનની છેલ્લી ઈચ્છા પુરી કરી છે. સાથે જ કિંગ ખાને તેમની સારવારમાં મદદનું પણ વચન આપ્યું છે.
શાહરૂખ ખાને કરી 60 વર્ષની ફેનની મદદ
કેન્સર પીડિત ફેનને સારવારમાં કરશે મદદ
ફેનની છેલ્લી ઈચ્છા પણ કરી પુરી
શાહરૂખ ખાને એક વખત ફરી સાબિત કરી બતાવ્યું છે કે તે જ રિયલ કિંગ છે. શાહરૂખ ખાને એક વખત ફરી ફેંસનું દિલ જીતી લીધુ છે. કિંગ ખાને પોતાની 60 વર્ષની કેન્સર પીડિત ફેન શિવાનીની છેલ્લી ઈચ્છા પુરી કરી દીધી છે. શાહરૂખે તેનું એવું સપનું પુરૂ કર્યું છે જેની કોઈ ફેને આશા પણ નહીં રાખી હોય.
60 વર્ષના ફેનની શાહરૂખે પુરી કરી ઈચ્છા
60 વર્ષના વૃદ્ધ ફેનને કિંગ ખાન સાથે વર્ચુઅલી મુલાકાત કરવાનો મોકો મળ્યો. આટલું જ નહીં કિંગ ખાને પર્સનલી મળવાનું વચન પણ આપ્યું છે. સોશિયલ મીડિયા દ્વારા જેવું કિંગ ખાનને શિવાનીના સપના વિશે જાણકારી મળી તેમણે તરત શિવાનીને વીડિયો કોલ કર્યો.
બન્નેની વચ્ચે 45 મિનિટ સુધી વાતચીત થઈ. અંતમાં શાહરૂખે શિવાનીની સારવાર માટે આર્થિક મદદ આપવાનું વચન પણ આપ્યું. શિવાનીની દિકરીએ શાહરૂખ સાથે વીડિયો કોલ પર થયેલી વાતચીત વિશે જણાવ્યું. તેમણે જણાવ્યું એક્ટરે તેમની માતા માટે દુઆ વાંચી.
મળવા કોલકતા આવવાનું આપ્યું વચન
શાહરૂખ ખાને શિવાનીને વચન આપ્યું કે તે તેમને મળવા માટે કોલકતા જશે. તેમની દિકરીના લગ્નમાં શામેલ થશે. આટલું જ નહીં કિંગ ખાન શિવાનીના ઘરની બનેલી ફિશ કરી પણ ખાશે. પરંતુ શરત એટલી કે માછલીમાં હાડકા ન હોવા જોઈએ.
સોશિયલ મીડિયા પર શાહરૂખ ખાનના આ જેસ્ચરના વખાણ થઈ રહ્યા છે. તેમણે કિંગ ખાનને રિયલ લાઈફ કિંગ ગણાવ્યા છે. શિવાની આખું જીવન તેમની ફેન રહી છે. તેમણે એક્ટરની દરેક ફિલ્મો જોઈ છે. કેંસર ટ્રીટમેન્ટ છતાં તે થિએટરમાં પઠાન જોવા ગઈ હતી.
બેડરૂમમાં લગાવી છે દરેક ફિલ્મોની તસવીરો
તેમના બેડરૂમની દિવાલ પર કિંગ ખાનની ફિલ્મોની દરેક તસવીરો લગાવવામાં આવી છે. એક્ટરની આઈપીએલ ટીમ બન્યા બાદ તે ક્રિકેટને પસંદ કરવા લાગી છે.