કોરોના વાયરસને કારણે સમગ્ર દેશમાં લોકડાઉન છે. કોરોના સંકટથી ઉગરવા માટે કેન્દ્ર અને રાજ્ય સરકારો સતત પ્રયત્નો કરી રહી છે. ભારતમાં કોરોનાના સૌથી વધુ દર્દી મહારાષ્ટ્રમાં છે અને અહીંની સરકાર કોરોના પર કાબૂ મેળવવા દરેક સંભવ પ્રયાસ કરી રહી છે. ત્યારે મહારાષ્ટ્ર સરકારની મદદમાં બોલિવૂડનૃ સુપરસ્ટાર શાહરૂખ ખાન એક પછી એક મદદ કરી રહ્યો છે.
મહારાષ્ટ્રના સ્વાસ્થ્ય મંત્રી રાજેશ ટોપેએ જણાવ્યું કે, શાહરૂખ ખાને સરકારની મદદ કરવા માટે 25 હજાર PPE કિટ આપી છે. શાહરૂખ ખાનનો આભાર વ્યક્ત કરતા રાજેશ ટોપેએ કહ્યું, આ કોવિડ-19 સામેની જંગમાં અમારી મદદ કરશે અને આ કિટથી ડોક્ટર્સની સુરક્ષામાં પણ ખૂબ સરળતા થશે.
When we say ‘mybmc’ then it’s with a sense of ownership and pride in all the efforts your teams are putting up to fight covid 19. We both are thankful that we could be a part of your attempts to help and care for Mumbaikars.
आमची Mumbai आमची BMC https://t.co/wpY5NFlr10
આ પહેલાં પણ શાહરૂખ ખાન મદદ માટે આગળ આવી ચૂક્યો છે. કિંગ ખાન અને તેની પત્ની ગૌરીએ આ પહેલાં પોતાની 4 માળની પર્સનલ ઓફિલ ક્વોરંટાઈન માટે આપવાનો નિર્ણય લીધો હતો. ત્યારબાદ ગરીબોની મદદ માટે શાહરૂખે મીર ફાઉન્ડેશનના એન્વાયરમેન્ટલિસ્ટ પ્રજ્ઞા કપૂરની સાથે હાથ મિલાવ્યો હતો. જેમાં જરૂરિયાતમંદોને ભોજન આપવામાં આવી રહ્યું છે. હાલ લોકડાઉનને કારણે દેશના અનેક પરિવારોને ખાવાના ફાંફા થઈ ગયા છે. જેથી આવા જરૂરિયાતમંદ લોકોની મદદ માટે મીર ફાઉન્ડેશન અને શાહરૂખ ખાન લોકોની મદદ કરવા આગળ આવ્યા છે.