શાહરૂખ ખાનની જેમ તેના મોટા પુત્ર આર્યન ખાન પોતાની કારકિર્દી તરફ આગળ વધવાને લઇને ચર્ચામાં છે. હાલમાં તેમની એક તસ્વીર સામે આવી છે, જેને જોઇને કિંગ ખાને પણ તેના પુત્ર પર પ્રેમ વરસાવ્યો છે.
શાહરૂખ ખાનનો પુત્ર આર્યન ખાન ફરીથી આવ્યો ચર્ચામાં
આર્યન ખાનનો એક લુક સામે આવ્યો
શાહરૂખે પુત્ર આર્યનના ડેશિંગ લુકના કર્યા વખાણ
શાહરૂખ ખાને આર્યન ખાનના લુક પર પ્રેમ વરસાવ્યો
શાહરૂખ ખાન હાલ પોતાની ફિલ્મો અને કેમિયોને લઇને ચર્ચામાં છે. આર માધવનની રૉકેટ્રી: ધ નાંબી ઈફેક્ટ, આમિર ખાનની લાલ સિંહ ચડ્ઢા અને રણબીર-આલિયાની બ્રહ્માસ્ત્રમાં તેનો કેમ્યો રોલ ખૂબ ચર્ચામાં રહ્યો છે. આ દરમ્યાન તેના પુત્ર આર્યન ખાનનો પણ એક લુક ચર્ચામાં છે, જેમાં તેના ડેશિંગ લુકના ખૂબ વખાણ થઇ રહ્યાં છે.
તસ્વીરમાં આર્યન ખાન સ્ટાઈલિશ લાગી રહ્યો છે
ઈન્સ્ટાગ્રામમાં હાલમાં આર્યન ખાને અમુક તસ્વીરો શેર કરી છે, જે એક બ્રાન્ડ એન્ડોર્સમેન્ટ માટે તેમણે ક્લિક કરાવી છે. તેમાં આર્યન ખાને યલો જેકેટ અને બ્લેક ટ્રાઉઝર પહેરીને હાથના સપોર્ટ સાથે ભુસકો મારી રહ્યાં છે. તસ્વીરમાં તેઓ ખૂબ સ્ટાઈલિશ લાગી રહ્યાં છે. થોડા કલાકમાં આર્યન ખાનની આ તસ્વીર પર લાખોમાં લાઈક્સ આવી.
આર્યન ખાનની તસ્વીર પર ગૌરી ખાન અને સુહાના ખાને પણ કોમન્ટ કરી. આ દરમ્યાન પ્રશંસકોએ શાહરૂખ ખાનની ફિલ્મ મેં હૂં ના નો એક સીન શેર કર્યો. જેમાં શાહરૂખ ખાન સ્ટીલની ગ્રિલ પરથી કૂદી રહ્યાં છે. કિંગ ખાને જેવી આ તસ્વીર જોઇ તેમણે તરત તેનો સ્ક્રીનશોટ લઇને પોતાના એકાઉન્ટમાં શેર કર્યો. આ થ્રોબેક લુકની સાથે તેમણે લખ્યું, ‘મારા પર ગયો છે મારો દીકરો.’