શાહરૂખ ખાનને લઇને માહિતી આવી હતી કે તેમને મુંબઇ એરપોર્ટ પર કસ્ટમ અધિકારીઓએ રોક્યા હતાં અને તેમને દંડ ભર્યાં બાદ મુક્ત કરી દેવાયા હતાં. પરંતુ હવે એ વાત સ્પષ્ટ થઇ છે કે કસ્ટમ અધિકારીઓએ શાહરૂખને નહીં પરંતુ તેના બોડીગાર્ડ રવિસિંહને રોક્યો હતો અને દંડ ભર્યાં બાદ તેને મુક્ત કર્યો હતો.
એરપોર્ટ પર કસ્ટમ વિભાગ દ્વારા ખુલાસો
અધિકારીઓએ શાહરૂખને નહીં, તેના બોડીગાર્ડને રોક્યો હતો
6.88 લાખ રૂપિયા ક્સટમ ડ્યૂટી ચૂકવી બોડીગાર્ડે
મુંબઇ: મીડિયામાં ચાલી રહી શાહરૂખ ખાનની ચર્ચામાં નવો ખુલાસો થયો છે. બોલિવૂડમાં રોમાન્સ કિંગ મનાતા શાહરૂખ ખાનને એરપોર્ટ પર કસ્ટમ અધિકારીઓએ રોક્યું હતું. તેમના પર આરોપ હતો કે તેમણે લક્ઝરી ઘડિયાળોનાં મોંઘા કવરને પોતાના લગેજમાં માર્ક કર્યો નહોતો. કસ્ટમ અધિકારીઓ દ્વારા પકડાઇ જતાં તેમણે તેની ડ્યૂટી ભરી અને એરપોર્ટથી નિકળી ગયાં. જો કે આ સમગ્ર ઘટનામાં શાહરૂખ ખાન નહીં પરંતુ તેમનો બોડી ગાર્ડ રવિસિંહ છે. ક્સ્ટમ અધિકારીઓએ શાબરૂખ ખાનને નહીં પરંતુ તેના બોડીગાર્ડ રવિસિંહને રોક્યો હતો.
ક્સ્ટમ અધિકારીએ મીડિયાને કરી જાણ
એક વરિષ્ઠ કસ્ટમ અધિકારીએ કહ્યું કે મીડિયામાં શાહરૂખ ખાનને લઇને જે સમાચાર ચાલી રહ્યાં છે તે તથ્યાત્મક ધોરણે ખોટાં છે. શાહરૂખ ખાન પર કોઇપણ પ્રકારનો દંડ લાગ્યો નથી અને ન તો તેમને પકડવામાં આવ્યાં હતાં. તેમણે કહ્યું કે શાહરૂખ ખાન નહીં પરંતુ તેમના બોડીગાર્ડ રવિસિંહને રોકવામાં આવ્યું હતું. તેનાથી જ કસ્ટમ ઓફિસરોએ દંડ વસૂલ્યો હતો.
શાહરૂખ ટીમ સાથે 12 30 એ પહોંચ્યા
કસ્ટમ અધિકારીએ આપેલ માહિતી અનુસાર શાહરૂખ ખાન અને તેની ટીમ બપોરે 12.30 વાગ્યે ટર્મિનલ પહોંચી હતી. આ ટર્મિનલમાં કસ્ટમ ડ્યૂટી માટે કોઇ અલગ વર્ગીકરણ કરવામાં આવ્યું નહોતું. તેથી સમગ્ર ટીમ 6-7 બેગ લઇને જઇ રહી હતી જેની સિક્યોરિટી સ્ટાફએ તપાસ કરી અને તેમની પાસે કેટલાક વોચ વાઇન્ડર એટલેકે લક્ઝરી ઘડિયાળોનું કવર અને એક એપલ વૉચ હતી.
17.86 લાખનો સામાન
અધિકારીએ જણાવ્યું કેરવિસિંહ પાસે આ વસ્તુઓની કોઇ રસીદ હતી નહીં. રવિસિંહનાં કહેવા અનુસાર આ વસ્તુઓ તેમને ગિફ્ટમાં મળી હતી'. આ તમામ વસ્તુઓની કિંમત જોઇએ તો તમામ વસ્તુઓ મળીને કુલ 17.86 લાખ રૂપિયાનો સામાન હતો. રવિસિંહને એરપોર્ચ પર કસ્ટમ ડ્યૂટી રૂપે 6.88 લાખ રૂપિયા ચૂકવવા માટે કહેવાયું હતું.