બોલિવૂડના સ્ટાર્સની લાઈફ સાથે જોડાયેલી દરેક વાતો તેમના ફેન્સ જાણવા માટે હમેશાં આતુર હોય છે. પોતાના ફેવરિટ સ્ટારની એક ઝલક જોવા માટે ફેન્સ પડાપડી કરતાં હોય છે. જેથી સ્ટાર્સને પોતાની સુરક્ષા માટે બોડીગાર્ડ રાખવા પડે છે અને તેના માટે તેઓ બોડીગાર્ડને અધધ..સેલેરી પણ ચૂકવે છે. તો આજે અમે તમને સુપરસ્ટાર શાહરૂખ ખાનના બોડીગાર્ડ રવિ સિંહની સેલેરી વિશે જણાવીશું.
બોલિવૂડ સ્ટાર્સ પોતાની સુરક્ષા માટે રાખે છે બોડીગાર્ડ
સુપરસ્ટાર શાહરૂખ ખાન તેના બોડીગાર્ડને આપે છે અધધ સેલેરી
બોલિવૂડમાં બોડીગાર્ડ પણ કમાય છે કરોડો રૂપિયા
છેલ્લા 9 વર્ષની શાહરૂખની સાથે છે આ બોડીગાર્ડ
બોલિવૂડના કિંગ ખાન એટલે કે શાહરૂખ ખાનની સુરક્ષાની જવાબદારી રવિ સિંહના ખભા પર છે. તે છેલ્લા નવ વર્ષથી શાહરૂખનો બોડીગાર્ડ છે અને દેશ-વિદેશમાં શાહરૂખની સુરક્ષા કરવાનું કામ કરે છે.
આટલો ચાર્જ લે છે
મીડિયા રિપોર્ટ્સ મુજબ સાહરૂખ ખાન પાસેથી રવિ સિંહ વાર્ષિક 2.7 કરોડ રૂપિયા સેલેરી લે છે. આ રીતે રવિ સિંહ બોલિવૂડનો સૌથી મોંઘો બોડીગાર્ડ છે. શાહરૂખ ખાન પોતાના પરિવારના દરેક નાના-મોટા ફંક્શનમાં રવિ સિંહને બોલાવે છે.
સલમાન ખાનના બોડીગાર્ડ ગુરમીત સિંહ એટલે કે શેરાની સેલરી અંગે પણ મીડિયા રિપોર્ટમાં જાણવા મળ્યું હતું. પોતાની સુરક્ષા માટે સલમાન ખાન શેરાને વાર્ષિક 2 કરોડ રૂપિયા ચાર્જ આપે છે.
શાહરૂખનો બોડીગાર્ડ રવિ સિંહ લાઈમલાઈટથી દૂર રહે છે
સલમાન ખાનનો બોડીગાર્ડ શેરા એક સિક્યોરિટી એજન્સીનો માલિક છે અને તે અવારનવાર લાઈમલાઈટમાં રહેતો હોય છે. જ્યારે રવિ સિંહ લાઈમલાઈટથી દૂર રહે છે પરંતુ તે શાહરૂખની સાથે હમેશાં હાજર રહે છે.