બોલિવૂડ / શાહરુખ સામે થશે FIR, ચાહકે ઉંમરને લઈ ટેગ કર્યો પ્રશ્ન કહ્યું ફરિયાદ કરીશ, સામે કિંગ ખાને આપ્યો હટકે જવાબ

• ટ્વિટર પર શાહરુખ ખાને #AskSrk સેશન રાખ્યું હતું
• આ દરમિયાન ચાહકોએ અભિનેતાને ઘણા સવાલો કર્યાં
• શાહરુખ ખાને આપેલા જવાબો સોશિયલ મીડિયામાં વાયરલ 

મુંબઈ: બોલિવૂડ કિંગ ખાન શાહરૂખ ખાન ફેન્સને સરપ્રાઈઝ કરવાની કોઈ તક છોડતાં નથી. 20 ફેબ્રુઆરીએ પણ કિંગ ખાને ટ્વિટર પર #AskSrk સેશન રાખીને તેના ચાહકોને ખુશ કર્યા હતાં. હંમેશની જેમ, ચાહકોએ શાહરૂખ ખાનને  પ્રશ્નો પૂછ્યાં અને બોલિવૂડનાં બાદશાહે તમામ પ્રશ્નોનાં જવાબો આપ્યાં હતા.

પૂછવામાં આવેલા સવાલો અને જવાબો-

• શું છે શાહરુખ ખાનની સાચી ઉંમર?

શાહરુખ ખાન 57 વર્ષનાં છે, પર તેને જોઈને તેની ઉંમર અંગે અંદાજ લગાવવો મુશ્કેલ છે. કિંગ ખાનની ફિટનેસ અને એબ્સ જોઈ લોકો છેતરાઈ જાય છે.   #AskSrkમાં કિંગ ખાનનો શર્ટલેસ ફોટો શેર કરતા એક ફેન્સે લખ્યું, ' ખાન સાહેબ વિરુદ્ધ FIR  કરી રહ્યો છું. આ વ્યક્તિ ખોટું બોલે છે કે તે 57 વર્ષનાં છે. '

Please mat karo yaar. Theek hai main hi maan jaata hoon I am 30 years old. There I have now told you the truth..and that’s why, even my next film is called Jawan https://t.co/rIH1lnsAWm

— Shah Rukh Khan (@iamsrk) February 20, 2023

આ ચાહકનું ટ્વિટ જોઈ શાહરુખ ખાન લખે છે, પ્લીઝ ના કરતા યાર. ઠીક છે હું માની લવ છું કે હું 30 વર્ષનો છું. મેં હવે તમને સત્ય જણાવી દીધું. એટલે મારી આગામી ફિલ્મનું નામ 'જવાન' છે. ફિલ્મ પઠાણ બાદ શાહરુખ ખાન ફિલ્મ 'જવાન'નું પ્રમોશન કરી રહ્યાં છે. 

• કઈ કાર છે કિંગ ખાનની ફેવરીટ ?

સોશિયલ મીડિયા પર હંમેશા શાહરુખ ખાનની મોંઘી કારની વાત થતી હોય છે. તેવામાં એક ફેને શાહરુખ ખાનને સવાલ કર્યો કે, તમારી પસંદની કાર કઈ છે ? તે કાર જેને તમે ક્યારેય નહી વેંચો? આ સવાલ પર શાહરુખ ખાન જવાબ આપે છે,  મારી પાસે કોઈ કુલ કાર નથી, હ્યુન્ડાઈને છોડીને. સોશિયલ મીડિયા પર મારી લક્ઝરી કાર વિશે જે લેખ લખવામાં આવે છે તે ખોટાં છે. 

• લકી નંબર શું છે ? 

શાહરુખ ખાનની ફિલ્મ પઠાણ વર્લ્ડવાઈડ 1000 કરોડનો આંકડો પાર કરવાની નજીક છે. ત્યારે એક ફેનએ શાહરુખને પૂછ્યું કે તેમનો લકી નંબર શું છે, તો કિંગ ખાન કહે છે કે હાલ તો 1000ની ઉપરનાં નંબર લકી છે. સવાલ-જવાબ સેશન પૂર્ણ કરતા પહેલા શાહરુખ ખાને કહ્યું ફિલ્મ પઠાણે તમામને ખુશ કર્યા છે. બધાને ખુશ જોઈને હું પણ ખુશ છું.
 

That’s very kind of you all. #Pathaan has made many people happy and that makes me the happiest. https://t.co/k73zMZoAcC

— Shah Rukh Khan (@iamsrk) February 20, 2023