શાહજહાંપુર રેપ કેસ / દુષ્કર્મ કેસનાં આરોપી ભાજપ નેતા ચિન્મયાનંદની ધરપકડ, 14 દિવસ માટે જેલમાં

• પીડિતાનું કહેવું છે કે, 'ચિન્મયાનંદે બ્લેકમેલ કરીને રેપ કર્યો'
• ચિન્મયાનંદે પીડિતાનાં શારીરિક શોષણનો પણ વીડિયો બનાવ્યો

ચિન્મયાનંદ (Chinmayanand) વિરૂદ્ધ લૉ વિદ્યાર્થીનીએ 12 પાનાઓની ફરિયાદ કરી અને SITને આપેલા નિવેદનમાં અનેક ચોંકાવનારી વાતો સામે આવી છે. પીડિતાનું કહેવું એમ છે કે ચિન્મયાનંદે બ્લેકમેલ કરીને રેપ કર્યો છે. પીડિતા (Victim) નો હૉસ્ટેલનાં બાથરૂમમાં ન્હાવાનો વીડિયો બનાવ્યો અને તે વીડિયોને વાયરલ કરવાની ધમકી આપીને એક વર્ષ સુધી રેપ કરતો રહ્યો. આ સાથે સાથે પીડિતાએ જણાવ્યું કે, ચિન્મયાનંદે શારીરિક શોષણનો પણ વીડિયો બનાવ્યો છે.

BJP leader Swami Chinmayanand has been arrested in connection with the alleged sexual harassment of a UP law student. pic.twitter.com/6NVLU761fC

— ANI (@ANI) September 20, 2019

ચિન્મયાનંદ પીડિતાને મસાજ કરાવવાનો પણ દબાણ કરતો હતો અને અનેક વાર તેની સાથે બંદુકનાં દમ પર પણ રેપ કરવામાં આવ્યો છે. છોકરીએ પોતાનાં બચાવ માટે ચિન્મયાનંદનો વીડિયો બનાવ્યો છે. છોકરીએ આ માટે પોતાનાં ચશ્મામાં એક ખાનગી કેમેરો લગાવ્યો અને બાદમાં ચિન્મયાનંદનો વીડિયો બનાવ્યો છે.

બીજી બાજુ રેપનો આરોપ લગાવનારી છોકરીએ ઘર નજીકમાં હોવા છતાં હૉસ્ટેલમાં રહેવા પાછળનાં કારણ અંગે ખુલાસો કરતા જણાવ્યું કે, એલએલએમમાં એડમીશન લેવા માટે ગઇ હતી પરંતુ ચિન્મયાનંદે તેને નોકરી આપી દીધી. નોકરીમાં કામનો વધારે બોઝ હોવાને કારણ તેને હૉસ્ટેલમાં રહેવું પડ્યું કે જ્યાં તેની સાથે શારીરિક શોષણ કરવામાં આવ્યું. મંગળવારનાં રોજ પોલીસની એસઆઇટીએ છોકરીનાં શાહજહાંપુરમાં સ્થિત હૉસ્ટેલનાં રૂમમાં રેપનાં પુરાવા તપાસ્યાં.

ચિન્મયાનંદ મામલામાં વિશેષ તપાસ દળ (એસઆઇટી) એ પીડિત છોકરીનાં હૉસ્ટેલનાં રૂમ જોયા અને પુરાવા એકઠાં કર્યા. એસઆઇટી બપોરમાં કૉલેજ પરિસર પહોંચી. ટીમે અંદાજે પાંચ કલાક સુધી વિદ્યાર્થીનીનાં રૂમની ઝીણવટપૂર્વક તપાસ કરી. ટીમ સાથે ફોરેન્સિક તજજ્ઞ પણ હાજર હતાં. પીડિતા જે રૂમમાં રહેતી હતી ત્યાં પોલીસે તેને સીલ કર્યો હતો. એસઆઇટીએ તે સીલ તોડીને તે સમગ્ર રૂમની તપાસ હાથ ધરી.