સેલિબ્રિટીઝને સોશ્યલ મિડીયા પર ખૂબ પ્રેમ મળે છે પરંતુ કેટલાક અસામાજીક તત્વો દ્વારા ધમકીઓ પણ મળતી રહે છે. કેટલીક વાર સેલિબ્રિટીઝ આવા તત્વો સામે અવાજ પણ ઉઠાવે છે અને તેને ડામવાનો પ્રયાસ કરે છે. હાલમાં જ આલિયા ભટ્ટની બહેન શાહીન ભટ્ટને સોશ્યલ મિડીયામાં ધમકીઓ મળી રહી છે. તેના પર દુષ્કર્મ કરવાની ધમકી મળી રહી છે સાથે પરિવારને પણ ધમકીઓ મળી રહી છે.
શાહીન ભટ્ટને મળી ધમકી
ભટ્ટ પરિવારને મળી ધમકી
લીગલ એક્શન લેશે શાહીન
શાહીને કમેન્ટનો એક સ્ક્રિનશૉટ શૅર કર્યો છે સાથે તેણે એક પોસ્ટ પણ લખી છે. શાહીને લાંબી પોસ્ટમાં લખ્યુ છે કે તેના પર દુષ્કર્મ કરવાની અને પરિવારને તહેસ નહેસ કરવાની ધમકીઓ મળી રહી છે, શાહીન આ તત્વો પર લીગલ એક્શન લેશે તેવું પણ જાણવા મળ્યું છે.
શાહીને લખ્યું છે કે આવા દિવસો જોવા માટે હું તમારી સાથે વાત કરું છુ, જો હવે આવી કોઇ પણ વાત મારી નજર સમક્ષ આવશે તો હું લીગલ એક્શન લઇશ.
તમને જણાવી દઇએ કે આલિયા અને શાહીન વચ્ચે બહું જ સારુ બોન્ડિંગ છે. શાહિન આ પહેલા ડિપ્રેશનનો શિકાર રહી ચૂકી છે જે માટે તેણે લાંબી પોસ્ટ લખી હતી, તેના કારણે તે ખૂબ ચર્ચામાં પણ રહી હતી.