ટ્રેલર / 'કબીર સિંહ'નું ટ્રેલર રિલીઝ, ઇમોશનલ રોલર કોસ્ટર માટે થઇ જાઓ તૈયાર

ફિલ્મનું ટ્રેલર જોઈને જ આ અંદાજ લગાવી શકાય છે કે દર્શકો ફિલ્મ જોતા દરમિયાન શાહિદના પાત્ર સાથે કેટલા વધારે જોડાયેલા હોવાનું અનુભવીને તેના ઈમોશન્સ પણ ફીલ કરી શકશે.

કિયારા અડણાવી અને શાહિદ વચ્ચેની કેમેસ્ટ્રી એકદમ નેચરલ લાગી રહી છે. ઘણી ફિલ્મોમાં પોતાની એક્ટિંગથી ક્રિટિક્સને ઈમ્પ્રેસ કરી ચૂકેલી કિયારા અડવાણી આ ફિલ્મના ટ્રેલરમાં પણ માસુમ છોકરીના રૂપમાં સરળતાથી દિલ જીતતી દેખાઈ રહી છે.

ટ્રેલરમાં શાહિદના પાત્ર કબીરની વાર્તાની એક ઝલક જોવા મળે છે, જે રિબેલ અને દરેક કામ પોતાની મરજી મુજબ કરે છે. તેની જિંદગીમાં પ્રેમની એન્ટ્રી થાય છે અને પછી બાદમાં થતી દૂરી કેવી રીતે તેને એન્ગ્રી યંગ મેન બનાવવા સાથે નશાની લત લગાવી દે છે તેને ખૂબ શાનદાર રીતે ટ્રેલરમાં દર્શાવાયું છે.

થોડા સમય પહેલા ફિલ્મ વિશે વાત કરતા શાહિદે જણાવ્યુ હતુ કે, ''તે શૂટિંગ પૂરું કરીને ઘરે જતાં પહેલાં રોજ 2 કલાક સુધી સ્નાન કરતો હતો. તે સ્મોકિંગની ક્યારેય ફેવર કરતો નથી પરંતુ રોલની ડિમાન્ડને કારણે તેણે સ્મોકિંગ કરવું પડ્યું હતું. આ વાત તેના માટે બિલકુલ સરળ નહોતી. ફિલ્મના શૂટિંગ દરમિયાન તે એક દિવસમાં 20-20 સિગારેટ ફૂંકતો હતો. આ જ કારણે તે ઘરે જતા પહેલાં બે કલાક સુધી શાવર લેતો હતો, જેથી જ્યારે તે ઘરે જાય ત્યારે તેની બૉડીમાંથી સિગારેટની ગંધ ના આવે.'' 

 

 

 

 

View this post on Instagram

 

 

 

 

 

 

 

 

 

Trailer out on 13th May! #KabirSingh . . @kiaraaliaadvani @sandeepreddy.vanga #BhushanKumar @muradkhetani #KrishanKumar @ashwinvarde @tseries.official @cine1studios @kabirsinghmovie

A post shared by Shahid Kapoor (@shahidkapoor) on May 8, 2019 at 12:20am PDT

ઉલ્લેખનીય છે કે ફિલ્મમાં શાહિદ કપૂર આલ્કોહોલિક સર્જનના રોલમાં છે. આ ફિલ્મ માટે પહેલાં શાહિદ કપૂરે 14 કિલો જેટલું વજન ઘટાડ્યું હતું અને ત્યારબાદ 8 કિલો વજન વધાર્યું હતું.

તેલુગૂ ફિલ્મ ‘અર્જુન રેડ્ડી’ની આ હિન્દી રીમેક ફિલ્મને સંદીપ વાંગાએ ડિરેક્ટ કરી છે. આ ફીલ્મને 21 જૂને રિલીઝ કરવામાં આવશે. આમ તો ફિલ્મનું ટ્રેલર જેટલું શાનદાર છે સ્પષ્ટપણે દર્શકોને ફિલ્મ તેટલી વધારે પસંદ આવતી હોય છે. તેવામાં ‘કબીર સિંહ’ના ટ્રેલર રિલીઝ કરાયાના 3 કલાકમાં જ 15 લાખથી વધારે વ્યૂ મળી ચૂક્યા હતા.