ફીલિંગ્સ / કરીના કપૂર સાથેનો આ સીનને જીવનનો સૌથી યાદગાર માને છે શાહિદ!

ઇમ્તિયાઝ અલીએ બંનેને પોતાની સુપરહીટ ફિલ્મ જબ વી મેટ માં બંનેને કાસ્ટ કર્યા હતા. ઇમ્તિયાઝ રમબીર અને દીપિકાને પણ બ્રેકઅપ બાદ તમાશામાં કાસ્ટ કરી ચૂક્યા છે. શાહિદે હાલમાં જ ફિલ્મ કંપેનિયન પર કરીના સાથે જબ વી મેટના એક સીન વિશે વાત કહી. આ સીનમાં શાહિદ નિરાશાથી પસાર થઇ રહેલી કરીનાને સાથે આવવા કહે છે, અને કરીના તેના પર વિરોધ કરતી નજરે પડે છે. જે બાદ શાહિદનો ચહેરો કેટલાય મિક્સ ઇમોશન્સથી ભરાઇ ઉઠે છે. 

શાહિદે આ સીન વિશે વાત કરતા કહ્યું- મારા હિસાબે આ એક એવો સીન હતો જેને આજ થી 15 વર્ષ બાદ પણ જોવામાં આવે તો એને એક બેસ્ટ સીનની કેટેગરીમાં મૂકી શકાય છે. આ ઘણા લોકો માટે યાદગાર સીન છે. મને યાદ છે કે એ મારા માટે એક ખરાબ દિવસ હતો.

આ સીનને અમે શેડ્યૂલના અંતે શૂટ કરવાનો હતો. હું આ ઇમોશનને ફીલ આપી શકતો નહોતો. લોકોને આ સીન પસંદ છે પરંતુ હું આ સીનમાં મારા ઇમોશન્સ પર કાબૂ મેળવવાનો પ્રયત્ન કરી રહ્યો હતો. આવું ઘણી વાર એક્ટર્સ સાથે બનતુ હોય છે. તેને એક્ટર્સ ઘણી અંદર સુધી અનુભવતા હોય છે.

મને યાદ છે કે ઇમ્તિયાઝે મારી સાથે એક વાર વાત કરી હતી. અમે મનાલીમાં હતા અને તે મને એક વૉક પર લઇ ગયો. હું આ બાબતને લઇને ગર્વ અનુભવી રહ્યો હતો, કે હું દરેક વસ્તુને લઇને તૈયાર રહું છું પરંતુ તેણે મારા ખભા પર હાથ રાખ્યો અને કહ્યું, તને ખબર છે શાહિદ, તું એક સારો એક્ટર છે. પરંતુ એ વિશે વિચારવાનું બંધ કર. બસ. આ મારા પસંદગીના સીન્સમાંથી એક છે. પરંતુ મને આ સીન કરવામાં ઘણી મુશ્કેલીઓનો સામનો કરવો પડ્યો.