બીજા બાળકના જન્મ પહેલા શાહિદ કપૂરે ખરીદી શાનદાર 'ભેટ'

મુંબઇ: બોલીવુડ અભિનેતા શાહિદ કપૂર હાલમાં સાતમાં આસમાને છે. વર્ષની શરૂઆતમાં રિલીઝ થયેલી એની ફિલ્મ 'પદ્માવત'એ રેકોર્ડ તોડીને કમાણી કરી છે. એની સાથે ઘણી બેક ટૂ બેક મોટી ફિલ્મોની ઓફર આવી. એની પત્ની મીરા રાજપૂત જલ્દીથી બીજા બાળકને જન્મ આપવાની છે. એ વાતને કોઇ શંકા નથી કે શાહિદ પોતાની પર્સનલ અને પ્રોફેશનલ લાઇફના જોરદાર સમયમાંથી પસાર થઇ રહ્યો છે. હવે શાહિદને એક નવી ખુશી મળી છે. 

પોતાનું ઘર બનાવવું કે ખરીદવું દરેક લોકોના નસીબમાં હોતું નથી. શાહિદે પોતાનું આ સપનું ફરીથી પૂરું કર્યું છે. મીડિયા રિપોર્ટ્સનું માનીએ તો જૂહુમાં આલીશાન બંગ્લા બાદ હવે એને વર્લીમાં બે ફ્લેટ ખરીદ્યા છે. એની કિંમત 55.60 કરોડ રૂપિયા છે. નવા ઘરના રજિસ્ટ્રેશન માટે 2.91 રૂપિયા ચૂકવ્યા છે. 

શાહિદ કપૂરનું નવું ઘર વર્લી સ્થિત એક બિલ્ડિંગના 42 43માં માળે છે. એક ફ્લેટનો એરિયા જ્યાં 427.98 સ્કવેર મીટર છે તો બીજો પ્લોટ 300.48 સ્કવેર મીટર મોટો છે. આટલું જ નહીં ઘરની બાલકની 40.88 સ્કવેર મીટરની છે. કુલ મળીને શાહિદનું નવું ઘર આશરે 8 625 સ્કવેર ફીટ મોટું છે.

શાહિદ કપૂર પહેલા અભિષેક બચ્ચન અને સેફ અલી ખાન સહિત ઘણી સેલિબ્રિટીઝ આવું કરી ચુકી છે. બાળકના જન્મ સમયે ઘણી સેલિબ્રિટીસ એમાન નામથી પ્રોપર્ટી ખરીદી ચુક્યા છે. અરાધ્યામી પહેલી બર્થ ડે પર અભિષેક અને ઐશ્વર્યાએ દુબઇમાં બંગલો ખરીદ્યો. તાજેતરમાં તૈમૂરની પહેલી બર્થ ડે પર આખું જંગલ એના નામે કરી દીધું. જો કે હજુ સુધી એવી જાણકારી મળી નથી કે શાહિદ કપૂરે આ નવી પ્રોપર્ટી કોણા નામથી ખરીદી છે.