શાહિદ કપૂરે નવી મર્સિડીઝ-માયબાક એસ-ક્લાસ ખરીદી છે. જાણો આ કારની કિંમત તથા ફીચર્સ
શાહિદ કપૂરે ખરીદી માયબાક S580
લગભગ 2.8 કરોડ રૂપિયા કિંમત
દેખાવમાં છે ખૂબ જ સુંદર આ કાર
પંકજ કપૂરને Mercedes બેંજ ML SUV ગિફ્ટમાં આપી
શાહિદ Mercedesનાં ફેન રહ્યા છે તથા તેમણે પોતાના પિતા પંકજ કપૂરને Mercedes-Benz ML SUV ગિફ્ટમાં આપી હતી, આ પહેલા શાહિદ કપૂરના ગરાજમાં જીએલ SUV તથા એસ-ક્લાસ લક્ઝરી સેડાન શામેલ છે. ન માત્ર કાર પરંતુ શાહિદ બાઈક્સ ચલાવવાનાં પણ શોખિન છે તથા તેમનું મોટરસાયકલ કલેક્શન પણ જોરદાર છે. શાહિદ કપૂરનાં ગરાજમાં હાર્લી-ડેવિડસન ફેટ બોય, BMW G310R તથા યામાહા MT-01 જેવી ઘણી જોરદાર બાઈક્સ હાજર છે.
ઈમ્પોર્ટેડ મોડલ 680ની કિંમત 3.2 કરોડ રૂપિયા
લક્ઝરી કાર નિર્માતા મર્સિડીઝ - બેંજ ભારતમાં પોતાની અલ્ટ્રા લકઝરી કાર માયબાક એસ-ક્લાસ કાલે જ લોન્ચ કરાઈ છે જેની શરૂઆતી એક્સશોરૂમ કિંમત 2.5 કરોડ રૂપિયા છે. દુનિયાભરનાં મશહૂર લોકો તથા લીડર્સ આ કારનો ઉપયોગ કરે છે તથા આ કારને જોતા જ સમજાઈ જાય છે કે આ કારને કેમ આટલી પસંદ કરવામાં આવે છે. આ કાર પોતાના દમદાર એંજીન માટે પણ દુનિયાભરમાં ઓળખાય છે. મર્સિડીઝ-માયબાક એસ-ક્લાસનું ઈમ્પોર્ટેડ મોડલ 680ની કિંમત 3.2 કરોડ રૂપિયા છે, જ્યારે 2.5 કરોડ રૂપિયા આના એસ-ક્લાસ 580 મોડલની કિંમત છે જેનું ઉત્પાદન ઘરેલું પ્રકારે થાય છે.
ઈશારાઓ પર કામ કરે છે આ કાર
મર્સિડીઝ-માયબાક એસ-ક્લાસ સાથે ગેશ્વર કંટ્રોલ અપાયો છે જેની મદદથી ચાલક ઇશારામાં સનરૂફ ખોલવા, લાઈટ, સીટબેલ્ટ કે દરવાજા બંધ કરવા જેવા કામો કરાવી શકે છે. કારની કેબીનમાં 30 સ્પીકર્સ આપવામાં આવ્યા છે જે નોઈસ કેન્સીલેશનનું કામ પણ કરે છે. ભારતમાં આ કારને લેવલ 2 ઓટોનોમસ ડ્રાઈવિંગ સોફ્ટવેર સાથે લોન્ચ કરવામાં આવી છે તથા સેફટી માટે અહી 13 એરબેગ્સ આપવામાં આવ્યા છે. કારને 19 ઇંચનાં રેટ્રો મોનોબ્લોક ડિઝાઈનવાળા વ્હીલ્સ આપવામાં આવ્યા છે. એસ-ક્લાસ લિમોઝીન 5.7 મીટર લાંબી કાર છે જેને 1.3 કરોડ માઈક્રો મિરર્સવાળા ડિજિટલ હેડલેમ્સ અપાયા છે.
દમદાર એંજીન વિકલ્પ
માયબાક એસ-ક્લાસ લિમોઝીન સાથે કંપનીએ બે એંજીન વિકલ્પ ઉપલબ્ધ કરાવ્યા છે, આમાં પહેલું 4.0 લીટર વી8 એંજીન છે જે 496 બીએચપી તાકાત તથા 700 એનએમ પિક ટોર્ક બનાવે છે. આ એંજીનને કંપનીએ 48 વોલ્ટ માઈલ્ડ-હાઈબ્રિડ સિસ્ટમ આપી છે જે અલગથી કારને 19.7 બીએચપી તાકાત તથા 200 એનએમ પિક ટોર્ક આપે છે. બીજા નંબર પર આવે છે 6.0 લીટરનું વી12 એંજીન જે 603 બીએચપી તાકાત તથા 900 એનએમ પિક ટોર્ક બનાવે છે. બંને એંજીન વિકલ્પોને કંપનીએ 9-સ્પીડ ઓટોમેટીક ટ્રાંસમિશન આપ્યું છે.