પાકિસ્તાનના ભૂતપૂર્વ કેપ્ટન શાહિદ અફરીદી છેલ્લા કેટલાક દિવસોથી વિવાદિત નિવેદનો આપી રહ્યો છે. તે ભારત અને તેના પૂર્વ ક્રિકેટરો વિશે ઘણી વાતો કહી રહ્યો છે. ત્યારે અફરીદીએ વેસ્ટ ઈન્ડિઝના મહાન બેટ્સમેન બ્રાયન લારાને એક પરફેક્ટ બેટ્સમેન જણાવતા કહ્યું કે, તે આ દિગ્ગજ ક્રિકેટર સામે ક્યારેય આત્મવિશ્વાસ સાથે બોલિંગ કરી શક્યો નહીં.
હાલ કોરોનાને કારણે ક્રિકેટ જગત થંભી ગયું છે
ત્યારે અફરીદીએ જણાવ્યું કે તે આ ક્રિકેટરથી સૌથી વધુ ડરતો હતો
અફરીદી અને લારા ટેસ્ટ ક્રિકેટમાં માત્ર બે વખત જ સામસામે આવ્યા હતા, પરંતુ પૂર્વ પાકિસ્તાની કેપ્ટને કહ્યું કે, આ લેફ્ટ હેન્ડેડ ક્રિકેટરથી તે ઘણો જ પ્રભાવિત હતો. અફરીદીએ વિઝડનને કહ્યું હતું કે, તેણે અમુક વખત તેને આઉટ કર્યો હતો, પરંતુ જ્યારે પણ તે બોલિંગ કરતો હતો ત્યારે તેના મગજમાં સતત ચાલતું હતું કે તે નેક્સ્ટ બોલમાં ચોગ્ગો ફટકારી દેશે. તેનો મારી ઉપર ઘણો પ્રભાવ હતો, હું ક્યારેય તેને આત્મવિશ્વાસથી બોલિંગ કરી શક્યો નથી. આ રીતે તે ભારતના માસ્ટર બ્લાસ્ટર સચિન તેંડુલકરથી નહીં પણ લારાથી ડરતો હતો.
A post shared by Brian Lara (@brianlaraofficial) on
આફ્રિદીએ કહ્યું કે, તે એક વર્લ્ડ ક્લાસ બેટ્સમેન હતો જેણે શ્રીલંકાના મુથૈયામુરલીધરન સહિત વિશ્વના સર્વશ્રેષ્ઠ સ્પિનરો પર પોતાનો દબદબો બનાવ્યો હતો. આફ્રિદીએ કહ્યું, 'સ્પિનરો સામે તેનું ફુટવર્કશાનદાર હતું અને તે આવા બોલરોની સામે જે રીતે બેટિંગ કરતો હતો, તે ખરેખર જોવાલાયક હતું. તે એક શ્રેષ્ઠ બેટ્સમેન હતો.
A post shared by Brian Lara (@brianlaraofficial) on
તમને જણાવી દઇએ કે, કેરેબિયન ખેલાડી લારાએ 12 એપ્રિલ 2004ના રોજ ઇંગ્લેન્ડ સામે એન્ટીગુઆના સેન્ટ જોન્સ ખાતે ચોથી ટેસ્ટ મેચમાં 582 બોલમાં 400 રનની સર્વોચ્ચ વ્યક્તિગત ઇનિંગ્સ રમી હતી, જે ટેસ્ટ ક્રિકેટમાં કોઈપણ બેટ્સમેનનો સર્વોચ્ચ સ્કોર છે. જોકે, આ મેચ ડ્રો રહી હતી. લારા પહેલા ટેસ્ટ ક્રિકેટમાં સૌથી વધુ રન બનાવવાનો રેકોર્ડ ઓસ્ટ્રેલિયાના વિસ્ફોટક ઓપનર મેથ્યુ હેડનના નામે હતો. તેણે લારાના રેકોર્ડના છ મહિના પહેલાં ઝિમ્બાબ્વે સામે 380 રનનો સ્કોર બનાવ્યા હતા.