નિવેદન / શાહીન બાગ ફાયરિંગ : AAPની ટોપી વાળી તસવીરને લઇ આરોપીના પિતાએ કર્યો ચોંકાવનારો ખુલાસો

• આરોપી કપિલ ગુર્જરના પિતાએ કહ્યા મહત્વપૂર્ણ ખુલાસા
• આરોપીના પિતાએ કહ્યું, અમારા આમ આદમી પાર્ટી સાથે કોઇ સંબંધ નથી
• અમે તમામ પાર્ટીનું સન્માન કરીએ છીએ : કપિલ ગુર્જરના પિતા ગજે સિંહ

તેઓએ કહ્યું કે, ''અમે રાજનીતિમાં આવ્યા હતા, પરંતુ 2012 સુધી બહુજન સમાજ પાર્ટી (BSP) સાથે રહ્યા હતા. બીએસપીમાં આવ્યા બાદથી મારી તબિયત ખરાબ થવા લાગી. ત્યારબાદ મેં રાજનીતિ છોડી દીધી. રાજનીતિ કરવાનું બંધ કરી દીધું. જ્યારે લોકસભાની ચૂંટણી થઇ રહી હતી. એ સમયે ગામમાં પાર્ટીના લોકો આવી રહ્યા હતા. એ સમયે મજાકમાં લોકોએ એવુ કર્યું હતું. ત્યારે આવો કોઇ મુદ્દો નહોતો. હવે ચૂંટણી ચાલી રહી છે, જેમા બીજેપીના લોકો આવ્યા હતા. મેં આ વખતે બીજેપી (BJP)ના ઉમેદવારને પણ માળા પહેરાવી છે, અમે તો સૌનું સન્માન કરીએ છીએ.''

કપિલ ગુર્જરના કાકા ફતેહ સિંહ અને અજબ સિંહે આ મામલામાં પોતાનું નિવેદન આપ્યું છે. તેઓએ કહ્યું, ''અમારા પરિવારનું આમ આદમી પાર્ટી સાથે કોઇ લેવા દેવા નથી. તમામ રાજકીય પાર્ટીઓ ચૂંટણીમાં આવે છે. આમ આદમી પાર્ટી વાળા પણ આવ્યા હતા અને ટોપી પહેરાવીને ગયા હતા. અમારા ગામમાં અમે સૌ કોઇનું સન્માન કરીએ છીએ. બીજેપીના લોકો પણ આવે છે. આખા પરિવારનું કોઇપણ પાર્ટી સાથે કંઇ લેવા-દેવા નથી. રાજનીતિમાં ફસાવાઇ રહ્યા છે. ગજે સિંહ પહેલા બસપાથી ચૂંટણી લડ્યા હતા. 

#KapilGujjar ‘s father Gaje singh denies any link with ⁦@AAPDelhi⁩ saysलोकसभा चुनाव में लोगों ने प्रचार के दौरान आप पार्टी की टोपी पहना दी थी , मेरा परिवार राजनीती में नहीं, मैंने तो इस बार बीजेपी के प्रत्याशी को भी माला पहनाई है हम तो सबका सम्मान करते हैं” ⁦@ndtv⁩ pic.twitter.com/v0WqTOZ0Jz

— Saurabh shukla (@Saurabh_Unmute) February 5, 2020

દિલ્હી પોલીસે કર્યો હતો દાવો

દિલ્હીના શાહીન બાગમાં થયેલી ફાયરિંગ (Shaheen Bagh Firing)ના મામલામાં દિલ્હી પોલીસે મોટો ખુલાસો કરવાનો દાવો કર્યો હતો. દિલ્હી પોલીસ મુજબ, આરોપી કપિલ ગુર્જર (Kapil Gujjar) આમ આદમી પાર્ટી સાથે જોડાયેલો છે. એટલુ જ નહીં કપિલના પિતા ગજે સિંહ પણ આપ સાથે જોડાયેલા છે. પોલીસે જણાવ્યું કે, કપિલે ખુદ એસઆઇટીની પૂછપરછમાં આમ જણાવ્યું હતું. પોલીસની ક્રાઇમ બ્રાન્ચ અનુસાર કપિલ ગુર્જરના મોબાઇલ ફોનની તપાસમાં જાણવા મળ્યું કે તે પાર્ટીનો સદસ્ય હતો. તેના મોબાઇલમાંથી કેટલીક તસવીર પણ મળી હતી.