બાબર આઝમે ઇંગ્લેન્ડ સામે સદી ફટકારી જેના માટે શાહીન આફ્રીદીએ અનોખા અંદાજમાં અભિનંદન આપતા લખ્યું કે બાબર કેટલા સ્વાર્થી છે.
પાકિસ્તાને ઇંગ્લેન્ડને 10 વિકેટથી હરાવ્યું
બાબર આઝમે ફટકારી સદી
શાહીન આફ્રીદીએ કહ્યું બાબર કેટલા સ્વાર્થી છે
બાબર આઝમની ગણતરી દુનિયાના હાલના સર્વશ્રેષ્ઠ બેટ્સમેનોમાં થાય છે. તેઓ હાલમાં પાકિસ્તાની ટીમનાં કેપ્ટન પણ છે. તેમની આગેવાનીમાં પાકિસ્તાને સીરીઝનાં બીજા ટી20 મુકાબલામાં ઇંગ્લેન્ડને 10 વિકેટથી હરાવ્યું. બાબરે સદી ફટકારી, જે કારણે તેમના ઘણા વખાણ પણ થઇ રહ્યા છે પણ તેમની ટીમનાં પેસર શાહીન આફ્રીદીએ અનોખા અંદાજમાં તેમને અભિનંદન પાઠવ્યા છે.
I think it is time to get rid of Kaptaan @babarazam258 and @iMRizwanPak. Itne selfish players. Agar sahi se khelte to match 15 overs me finish hojana chahye tha. Ye akhri over tak le gaye. Let's make this a movement. Nahi? 😉
પાકિસ્તાને ઇંગ્લેન્ડને આપી 10 વિકેટથી માત
પાકિસ્તાનના કેપ્ટન બાબર આઝમ અને વિકેટકીપર બેટ્સમેન મોહમ્મદ રીઝવાનનાં દમ પર ઇંગ્લેન્ડને બીજી મેચમાં 10 વિકેટથી હારનો સામનો કરવો પડ્યો. ઇંગ્લેન્ડે ટોસ જીતીને પહેલા બેટિંગ કરીને 5 વિકેટ પર 199 રન બનાવ્યા, જ્યાર બાદ પાકિસ્તાને 19.3 ઓવરમાં જ આ લક્ષ્ય પ્રાપ્ત કરી લીધું. બાબર આઝમે 66 બોલ પર 110 રન બનાવ્યા અને 11 ચોક્કા, 5 સિક્સર ફટકારી. તેમણે રીઝવાન સાથે 203 રનની ભાગીદારી કરી. રીઝવાને 51 બોલ પર 88 રન બનાવ્યા. રીઝવાને પોતાના દાવમાં 11 ચોક્કા અને 5 સિક્સર ફટકારી.
શાહીને અનોખા અંદાજમાં આપ્યા અભિનંદન
શાહીન આફ્રીદીએ એક ટ્વીટ કર્યું અને બાબર - રીઝવાનને અભિનંદન આપ્યા. તેમણે લખ્યું કે મને લાગે છે કે કેપ્ટનથી છૂટકારો મેળવવાનો સમય હવે આવી ગયો છે. બાબર આઝમ અને મોહમ્મદ રીઝવાન કેટલા સ્વાર્થી છે. જો સરખું રમ્યા હોત, તો મેચ 15 ઓવરમાં જ પૂરી થઇ જાત, પણ તેઓ છેલ્લી ઓવર સુધી લઇ ગયા. આવો આને લઈને એક આંદોલન શરુ કરવામાં આવે. આ શ્રેષ્ઠ પાકિસ્તાની ટીમ પર ગર્વ છે.
પાકિસ્તાનના કેપ્ટન બાબર આઝમે પોતાની ટી20 કરિયરની બીજી સદી ફટકારી અને અત્યાર સુધી આ ફોર્મેટમાં 82 મેચમાં બે સદી અને 26 હાફ સેન્ચુરી ફટકારીને કુલ 2895 રન બનાવ્યા છે. તેમણે વન ડેમાં 4664 અને ટેસ્ટમાં 3122 રન બનાવ્યા છે. વન ડેમાં તેમની સરેરાશ 60ની આસપાસ છે જ્યારે ટી20 આંતરરાષ્ટ્રીય ફોર્મેટમાં લગભગ 44ની છે.