બોલિવૂડ / લસ્સીમાં પડી માખી અને પછી બોલિવુડના બાદશાહ કિંગખાને કર્યું એવું કે......

• શાહરૂખે કહ્યું, મારી પાસે લસ્સી પીવાના પૈસા ન હતાં
• શાહરૂખ ખાને 'ડાંસ પ્લસ 5' માં 20 મિનિટનું પર્ફોર્મન્સ આપ્યું હતું
• તેમની તાજમહલની પહેલી મુલાકાતની વાત વાગોળી હતી

શાહરૂખ ખાને 'ઝીરો' કર્યા બાદ એક પણ ફિલ્મ સાઈન કરી નથી. પરંતુ તે અવાર-નવાર ઈવેન્ટ્સ અને રિયાલિટી શોમાં જોવા મળતો હોય છે.  હાલમાં જ શાહરૂખ ખાન ડીરેક્ટર-કોરિયોગ્રાફર રેમો ડિસોઝાના રિયાલિટી ડાંસ શો 'ડાંસ પ્લસ 5'માં આવ્યો હતો. 

શાહરૂખ ખાને શોમાં અનેક વાતોના ખુલાસા કર્યા હતાં અને પોતાની જૂની યાદોને તાજી કરી હતી. શાહરૂખે તેમની તાજમહલની પહેલી મુલાકાતની વાત વાગોળી હતી. આ સમયે તેનો પગાર માત્ર 50 રૂપિયા હતો. શાહરૂખે કહ્યું હતું કે ટ્રેનમાં જવામાં પૈસા ખર્ચાઈ ગયા હતાં. અને જે પૈસા બચ્યાં હતા તેમાંથી માત્ર 'પિંક લસ્સી' જ આવી શકે તેમ હતી. આ લસ્સીમાં માખી પડેલી હતી તેમ છતાંય આ લસ્સી હું પી ગયો હતો. અને પછી પરત ફરતા સમયે મને સતત ઉલટી થઈ હતી.

શાહરૂખ ખાને 'ડાંસ પ્લસ 5' માં 20 મિનિટનું પર્ફોર્મન્સ આપ્યું હતું. તેણે 'આઈ એમ ધ બેસ્ટ' (ફિર ભી દિલ હૈ હિંદુસ્તાની), 'યે દિલ દિવાના' (પરદેશ), 'છૈય્યા છૈય્ય' (દિલ સે), છમ્મક છલ્લો (રા. વન) સહિત પોતાની ફિલ્મ્સના ગીતો પર ધમાકેદાર ડાન્સ કર્યો હતો.

અંતમાં શાહરૂખ ઈમોશનલ થઈ ગયો હતો. અને કહ્યું કે તે 95 થશે ત્યારે પણ વિહ્લ્ચર પર બેસીને ડાંસ કરશે અને સાથે રેમોને લાવવાનું ભૂલશે નહીં.