છેલ્લા કેટલાક દિવસોથી વિવાદમાં રહેલ પઠાણ ફિલ્મ ફાઇનલી 25 જાન્યુઆરીએ થીયેટરમાં રિલીઝ થઈ ગયું છે. આજે પ્રથમ દિવસ જ લોકોમાં અનોખો ક્રેઝ જોવા મળ્યો હતો અને એક જ દિવસમાં પઠાણે 25 કરોડની કમાણી કરી લીધી છે.
પઠાણ ફિલ્મનો લોકોમાં અનોખો ક્રેઝ
મિડનાઈટ શો ખુલતાની સાથે જ હાઉસફુલ
પઠાણે એક જ દિવસમાં પઠાણે 25 કરોડની કમાણી કરી લીધી
#Pathaan at national chains… Day 1… Update: 8.15 pm.#PVR: 11.40 cr#INOX: 8.75 cr#Cinepolis 4.90 cr
Total: ₹ 25.05 cr
SUPERB.
લોકોમાં પઠાણ ફિલ્મનો અનોખો ક્રેઝ જોવા મળી રહ્યો છે. જેમાં મિડનાઇટ શો શરૂ કરવામાં આવ્યા છે અને આ શો માટે બુકિંગ સારું થતાની સાથે જ ફુલ થઈ રહ્યા છે. જેની આતરતા પૂર્વક રાહ જોવાતી હતી તે ફિલ્મ પઠાણ રિલીઝ થતાની સાથે રેકોર્ડ કરી રહી છે. ઉલ્લેખનીય છે કે આ ફિલ્મનો રિલીઝ પહેલા મોટી સંખ્યામાં વિરોધ કરવામાં આવ્યો હતો. પરંતુ પઠાણ ઈતિહાસ રચશે તેવી અપેક્ષા નહોતી. હવે લાગે છે કે મિડનાઈટ શો શરૂ થઈ ગયા છે. અને શો ખુલતાની સાથે જ હાઉસફુલ થઈ રહ્યા છે. આ જોતા એવું લાગી રહ્યું છે કે જાણે આખો દેશ પઠાણના ક્રેઝમાં ડૂબી રહ્યો છે.
25 કરોડ રૂપિયાની કમાણી પણ થઈ
મહત્વનું છે કે, માત્ર દિવસના જ નહીં પરંતુ મધ્યરાત્રિના 12:30 વાગે શરૂ થતાં શો શરૂ કરવામાં આવ્યા છે અને તે શો પણ હાઉસ ફૂલ થઈ રહ્યા છે. પઠાણે બોક્સ ઓફિસ પર રેકોર્ડ બનાવ્યો છે. અત્યાર સુધીમાં 25 કરોડ રૂપિયાની કમાણી પણ થઈ ચૂકી છે. હિન્દી ફિલ્મની વાત કરીએ તો પઠાણે કેજીએફ 2, ને પણ પાછળ ધકેલી દીધી છે.
ફિલ્મે રચ્યો ઇતિહાસ
શાહરૂખ ખાનની 'પઠાણ' ફિલ્મે ખરેખર ઈતિહાસ રચી દીધો છે. ચાહકોની અંદર કિંગ ખાનની ફિલ્મ જોવાની ઉત્તેજના જોઈને YRFના નિર્માતાઓએ મોડી રાતના શો શરૂ કરવા પડ્યા છે. આ સાથે બીજા દિવસે સવારે શો પણ લંબાવવામાં આવ્યા છે. હાલની સ્થિતિને જોતા એવું લાગે છે કે, 26 જાન્યુઆરીની રજા સંપૂર્ણ રીતે પઠાણના નામે રહેશે. પઠાણ ફિલ્મની સ્ક્રીનની વાત કરીએ તો અત્યાર સુધી આ ફિલ્મ દુનિયાભરમાં આઠ હજાર સ્ક્રીન પર રિલીઝ થઈ છે. મોટા ભાગના ડે નાઈટ શો હાઉસફુલ થઈ રહ્યા છે.જાણવા મળતી વિગત અનુસાર 'વોર'એ 19.67 કરોડ, ઠગ્સ ઓફ હીન્દુસ્તાન એ 18 કરોડ અને કેજીએફએ ઓપનિંગ ડે પર 22.15 કરોડની કમાણી કરી હતી જેની સરખામણીએ પઠાણે 25.5 કરોડની કમાણી કરી આ ફિલ્મને પાછળ છોડી દિધી છે.