છેલ્લા કેટલાક સમયથી બોલિવૂડના બાદશાહ શાહરૂખ ખાનની ફિલ્મો બોક્સ ઓફિસ પર ખાસ કંઈ કમાલ કરી શકી નથી. વર્ષ 2018માં આવેલી તેની ફિલ્મ ઝીરો પણ બોક્સ ઓફિસ પર કમાલ દેખાડી શકી નહીં. ત્યારબાદથી કિંગ ખાનની કોઈપણ ફિલ્મ રિલીઝ થઈ નથી અને તે હાલ કોઈ ફિલ્મનું શૂટિંગ પણ કરી નથી રહ્યો. પરંતુ શાહરૂખના ચાહકો હમેશાં તેના ફેવરિટ સ્ટારના અપકમિંગ પ્રોજેક્ટની રાહ જોતા હોય છે. એક રિપોર્ટ મુજબ શાહરૂખ ખાન મોટા બજેટની કોમિક એક્શન-થ્રિલર ફિલ્મમાં જોવા મળશે.
ફિલ્મ 'ઝીરો' પછી કોઈ ફિલ્મમાં દેખાયો નથી શાહરૂખ
મોટા બજેટની કોમિક એક્શન-થ્રિલર ફિલ્મમાં જોવા મળી શકે છે કિંગ ખાન
વર્ષ 2020માં શાહરૂખની એક ફિલ્મ રિલીઝ થવાની સંભાવના છે
મુંબઇ મિરરના અહેવાલો મુજબ શાહરૂખ ખાને એક સ્ટાઇલિશ એક્શન ફિલ્મ સાઈન કરી છે જેનું શૂટિંગ વર્ષ 2020માં કરવામાં આવશે. શાહરૂખે અત્યાર સુધી આવા પ્રકારની ફિલ્મો કરી નથી. આ ફિલ્મનું શૂટિંગ શાહરૂખ ખાનના જ પ્રોડક્શન હાઉસ હેઠળ કરવામાં આવશે અને તેનું શૂટિંગ ભારત અને ભારતની બહાર કરવામાં આવશે. ફિલ્મના એક્શન સિક્વન્સ માટે ક્રૂમાં વિદેશી સ્ટંટમેનનો સમાવેશ કરી શકાય છે. ફિલ્મની સ્ક્રીપ્ટ ફાઇનલ થઈ રહી છે, જે બાદ તેનું શૂટિંગ સ્થળ ફાઇનલ કરવામાં આવશે. આ ફિલ્મમાં કોઈ મોટી એક્ટ્રેસને કાસ્ટ કરવાની ચર્ચા છે.
શાહરૂખે તેના 54માં જન્મદિવસે જાહેરાત કરી હતી કે તે કોઈ મોટા પ્રોજેક્ટનો ભાગ બની શકે છે અને હવે રિપોર્ટ્સમાં સામે આવ્યું છે કે શાહરૂખ કોઈ મોટી ફિલ્મમાં જોવા મળશે, એવું કહેવાય રહ્યું છે કે, આ ફિલ્મ વર્ષ 2021માં રિલીઝ થશે. આ ફિલ્મ સિવાય વર્ષ 2020માં પણ શાહરૂખની એક ફિલ્મ રિલીઝ થવાની સંભાવના છે.