બોલિવૂડના કિંગ ખાન એટલે કે શાહરૂખ ખાનના ફેન્સ મોટા પડદાં પર તેને જોવા માટે આતુરતાથી રાહ જોઈ રહ્યાં છે. આઈપીએલમાં શાહરૂખના લુકને જોઈને ફેન્સ ફિલ્મ માટે ખૂબ જ એક્સાઈટેડ થઈ ગયા છે. એવા સમાચાર છે કે, આઈપીએલ સમાપ્ત થયા બાદ તેણે તેની આગામી ફિલ્મ પઠાણનું શૂટિંગ શરૂ કરી દીધું છે. હાલમાં જ તે મુંબઈના ગેટવે ઓફ ઈન્ડિયા પર જોવા મળ્યો. જ્યાં તેણે કેમેરાથી બચવાની ઘણી કોશિશ કરી પરંતુ પાપારાઝીએ તેને કેમેરામાં કેદ કરી લીધો.
આઈપીએલ દરમિયાન શાહરૂખનો લુક થયો હતો વાયરલ
શાહરૂખ તેની આગામી ફિલ્મ પઠાણનું શૂટિંગ શરૂ કર્યું
તો હવે તેને એક વીડિયો થઈ રહ્યાં છે વાયરલ
એવા સમાચાર છે કે, શાહરૂખ ખાન તેની ફિલ્મ 'પઠાણ'ના શૂટિંગમાંથી બ્રેક લઇને બોટ રાઈડ પર નીકળ્યો હતો. તે એક સ્પીડ બોટમાં બેઠો અને અલીબાગ તરફ નીકળ્યો હતો. શાહરૂખની બોટ રાઈડનો વીડિયો અને તવસીરો સોશિયલ મીડિયા પર ખૂબ વાયરલ થઇ રહ્યાં છે. આ દરમિયાન તેણે ઓલિવ કલરની હૂડી પહેરી હતી અને મો પર બ્લેક કલરનો માસ્ક અને ગોગલ્સ પહેર્યા હતા.
ફિલ્મ 'પઠાણ'નું શૂટિંગ 18 નવેમ્બરથી શરૂ થઈ ગયું છે. શાહરૂખ સાથે જ્હોન અબ્રાહમ અને દીપિકા પાદુકોણ પણ આ ફિલ્મમાં જોવા મળશે. એવું પણ કહેવાઈ રહ્યું છે કે, આ ફિલ્મમાં સલમાન ખાનનો પણ કેમિયો હશે. તે શાહરૂખની આ મેગા બજેટ ફિલ્મ માટે 12 દિવસનો સમય કાઢવાનો છે. ફિલ્મનું ડિરેક્શન સિદ્ધાર્થ આનંદ કરી રહ્યાં છે. જે આ પહેલાં વોર જેવી સુપરહિટ ફિલ્મનું ડિરેક્શન કરી ચૂક્યા છે.
આ સાથે જ શાહરૂખ પઠાણ સિવાય રાજકુમાર હિરાની અને સાઉખ ફિલ્મમેકર એટલી સાથે પણ ફિલ્મો કરવા જઈ રહ્યો છે. આવું પહેલીવાર થશે કે શાહરૂખ સાઉથના ડિરેક્ટર સાથે કામ કરશે. આ ફિલ્મમાં શાહરૂખ ડબલ રોલમાં જોવા મળશે. જેમાં તે પિતા અને દિકરો બંનેનો રોલ પ્લે કરતાં જોવા મળશે.