મનોરંજન / મજેદાર કેપ્શનની સાથે શાહરુખ ખાને શેર કરી શર્ટલેસ તસવીર, દેખાડ્યું સિક્સ પેક એબ્સ

• 2023માં મોટા પરદા પર શાહરુખ ખાનની દમકાર એન્ટ્રી
• એકીસાથે રજૂ થશે 3 મોટી ફિલ્મ 
• શરુઆતમાં રિલિઝ થશે ફિલ્મ પઠાણ
• શાહરુખે હવે પઠાણ ફિલ્મની શર્ટલેસ તસવીર શેર કરી 

શાહરૂખ ખાન છેલ્લે 2018માં મુખ્ય અભિનેતા તરીકે મોટા પડદે જોવા મળ્યો હતો પરંતુ તેના ચાર વર્ષ બાદ હવે તે ફરી વાર મોટા પરદે એન્ટ્રી કરી રહ્યો છે. 2023ની સાલમાં શાહરુખની ત્રણ મોટી ફિલ્મ આવી રહી છે જેની શરુઆત પઠાણ સાથે થઈ રહી છે.  યશ રાજ બેનરની આ ફિલ્મમાં શાહરુખ ખાનની સાથે દીપિકા પદુકોણ અને જ્હૉન અબ્રાહમ મુખ્ય ભૂમિકામાં છે.  રિલિઝ પહેલા શાહરુખ ખાને 'પઠાણ'ની એક તસવીર શેર કરી છે. 

Me to My Shirt today:
‘Tum hoti toh kaisa hota….
Tum iss baat pe hairaan hoti,
Tum iss baat pe kitni hansti…….Tum hoti toh aisa hota..’ Me also waiting for #Pathaan pic.twitter.com/EnLPXw9csA

— Shah Rukh Khan (@iamsrk) September 25, 2022

શર્ટલેસ સ્ટાઇલમાં શાહરૂખ ખાન
શેર કરેલી તસવીરમાં શાહરુખ ખાન શર્ટ વગરનો જોવા મળે છે. તેણે લીલા રંગનું ટ્રાઉઝર પહેર્યું છે. સોફા પર બેસીને શાહરૂખ પોતાના સિક્સ પેક એબ્સ ફ્લોન્ટ કરે છે. આ તેનો 'પઠાણ' લુક છે. આ પહેલા પણ તેણે પોતાની એક શર્ટલેસ તસવીર શેર કરી છે. ટ્વિટર પર પોસ્ટ કરતા શાહરૂખે કહ્યું કે, તે પણ પોતાના ફેન્સની જેમ જ 'પઠાણ'ની રાહ જોઇ રહ્યો છે.

તસવીર શેર કરતા આપ્યું મજેદાર કેપ્શન 
તસવીર શેર કરતાં શાહરુખે એક મજેદાર કેપ્શન પણ આપ્યું હતું. શાહરુખે લખ્યું કે આજે હું મારા શર્ટને કહી રહ્યો છું કે તુ હોત તો કેવું હોત, તને આ વાત પર નવાઈ થાત. તુ આ વાત પર કેટલું હસેત... તુ હોત તો આવું હોત. મને પણ પઠાણની પ્રતિક્ષા છે. 

ક્યારે રિલીઝ થશે પઠાણ?
'પઠાણ' 25 જાન્યુઆરી, 2023 ના રોજ થિયેટરોમાં આવશે. જેનું નિર્દેશન સિદ્ધાર્થ આનંદ કરી રહ્યા છે. આ ફિલ્મ હિન્દીની સાથે બીજી ઘણી ભાષાઓમાં પણ આવશે.