બોલિવૂડના કિંગ ખાને તાજેતરમાં જ ડાંસ રિયાલિટી શો 'ડાંસ પ્લસ 5'માં હાજરી આપી હતી. આ દરમિયાન તેમણે પોતાના બાળકોના ધર્મ વિશે ખુલીને વાત કરી હતી. શાહરૂખ ખાનનો આ વીડિયો સોશિયલ મીડિયા પર ઘણો વાયરલ થઈ રહ્યો છે.
બોલિવૂડના કિંગ ખાનનો વીડિયો સોશિયલ મીડિયા પર વાયરલ
ધર્મને લઈને શાહરૂખે કહી આ વાત
દરેક ફેસ્ટિવલ સેલિબ્રેટ કરે છે શાહરૂખ
My wife is Hindu, I am a Muslim and my kids are Hindustan. My daughter was asked the religion in school form, I told her we are Indians 🇮🇳 ❤️ - The pride of India Shah Rukh Khan. #RepublicDayIndia#RepublicDay2020pic.twitter.com/Qk95xxLT3j
આ વીડિયોમાં શાહરૂખ ખાને કહ્યું કે, 'મારી પત્ની હિન્દુ છે અને હું મુસ્લિમ છું અને મારા બાળકો હિન્દુસ્તાન છે. ઘણી વખત શાળામાં કોઈ ફોર્મ ભરવું પડે છે, જેમાં ધર્મ મેન્શન કરવુ પડે છે. એકવાર જ્યારે મારી દીકરી નાની હતી, ત્યારે તેણે મને પૂછ્યું કે, ડેડી આપણો ધર્મ કયો છે, ત્યારે મેં તે ફોર્મમાં લખ્યું અમે ઈન્ડિયન છીએ. પછી તો કોઈ જ ધર્મની વાત આવતી નથી. શાહરૂખનો આ વીડિયો સોશિયલ મીડિયા પર ખૂબ જ વાયરલ થઈ રહ્યો છે અને લોકોને તેનો આ જવાબ પસંદ આવી રહ્યો છે.
શાહરૂખ ખાન હંમેશા તહેવારો પર ફોટોઝ શેર કરે છે. તે ઈદ અને દિવાળી ધામધૂમથી સેલિબ્રેટ કરે છે. ગયા વર્ષે ગણેશ પૂજા પર ગણેશ મૂર્તિ સાથેના અબરામની તસવીરોએ લોકોનું ધ્યાન આકર્ષિત કર્યું હતું. શાહરૂખે તેનો ફોટો શેર કર્યો અને ફેન્સને ફેસ્ટિવલ માટે અભિનંદન આપ્યા હતા. તે ઈદ પર દિકરા સાથે જોવા મળ્યો હતો.
વર્કફ્રંટની વાત કરીએ તો શાહરૂખ ખાન છેલ્લે 2018માં આનંદ એલ રાયની ફિલ્મ ઝીરોમાં જોવા મળ્યો હતો. આ ફિલ્મ બોક્સ ઓફિસ પર ફ્લોપ રહી હતી. આ ફિલ્મમાં તેની સાથે કેટરિના કૈફ અને અનુષ્કા શર્મા પણ હતા. ઝીરો પછી શાહરૂખે ફિલ્મોથી લાંબો વિરામ લીધો છે. જોકે, તે હંમેશાં કોઈ કારણસર સોશિયલ મીડિયા પર ચર્ચામાં રહે છે. હાલ એવા સમાચાર છે કે તે ટૂંક સમયમૈાં તેની આગામી ફિલ્મની જાહેરાત કરવાનો છે.