મનોરંજન / કિંગ ખાનના નામે વધુ એક ખિતાબ: વિશ્વના 50 મહાન એક્ટર્સની યાદીમાં SRK એકમાત્ર ભારતીય

• દુનિયાના 50 સૌથી મહાન અભિનેતાઓની યાદીમાં SRKનો સમાવેશ
• Empire Magazinesની આ યાદીમાં શાહરૂખ ખાનનુ નામ નોંધાયુ
• આ યાદીમાં નામ સામેલ થતા કિંગ ખાનના થયા વખાણ 

મહાન અભિનેતાની યાદીમાં શાહરૂખનુ નામ નોંધાયુ 

બોલીવુડ અભિનેતા શાહરૂખ ખાન હાલમાં પોતાની અપકમિંગ ફિલ્મ પઠાણને લઇને પ્રચંડ વિરોધનો સામનો કરી રહ્યાં છે. આ દરમ્યાન શાહરૂખ ખાને એક ખિતાબ પોતાના નામે કરી ભારતનુ ગૌરવ વધાર્યુ છે. એમ્પાયર મેગેઝીન દ્વારા દુનિયાના 50 મહાન અભિનેતાઓની 2023ની યાદીમાં શાહરૂખ ખાનનુ નામ પણ નોંધાયેલુ છે. એટલું જ નહીં, વિશ્વભરના મહાન અભિનેતાઓની યાદીમાં શાહરૂખ ખાન એકલા ભારતીય અભિનેતા છે. શાહરૂખ ખાનનુ નામ Empire Magazineમાં દુનિયાના મહાન અભિનેતાઓની યાદીમાં સામેલ થતા કિંગ ખાનના વખાણ થયા છે. 

કિંગ ખાન એકલા ભારતીય છે, જેનુ નામ આ યાદીમાં સામેલ 

દુનિયાના 50 મહાન લોકોની એમ્પાયર મેગેઝીન દ્વારા બનાવવામાં આવેલી આ આંતરરાષ્ટ્રીય યાદીમાં ફિલ્મ ઉદ્યોગના અમુક સૌથી મોટા, સૌથી યાદગાર નામનો સમાવેશ થાય છે. જેમાં હૉલીવુડ સ્ટાર ટૉમ હેંક્સ, માર્લોન બ્રેંડો, રોબર્ટ ડી નીરો, ડેનજેલ વોશિંગ્ટન સહિત અન્ય દુનિયાભરના નામી અભિનેતાઓના નામનો સમાવેશ થાય છે. આ દરમ્યાન દુનિયાના મહાન અભિનેતાઓની યાદીમાં શાહરૂખ ખાન એકલા ભારતીય છે, જેનુ નામ  આ યાદીમાં સામેલ છે.

શાહરૂખ ખાનના ફિલ્મોના પાત્રનો ઉલ્લેખ કરી ખૂબ કરી પ્રશંસા 

ઉલ્લેખનીય છે કે, Empire Magazine ફેબ્રુઆરી 2023 એડિશનમાં પોતાના વાંચકોને તેમના ફેવરિટ એક્ટર પૂછ્યા હતા. જેના આધારે આ યાદી જાહેર કરવામાં આવી છે. મેગેઝીનમાં શાહરૂખ ખાનના પહેલાના દશકોની સફળતાઓનો ઉલ્લેખ કરતા ખૂબ પ્રશંસા પણ કરવામાં આવી છે. જેમાં કરણ જોહરની કુછ કુછ હોતા હૈ થી રાહુલ ખન્ના, સંજય લીલા ભણસાળીની દેવદાસથી દેવદાસ મુખર્જી, આશુતોષ ગોવારિકરની સ્વદેશથી મોહન ભાર્ગવ અને કરણ જોહરની માઈ નેમ ઈજ ખાનથી રિઝવાન ખાનના પાત્ર જે શાહરૂખ ખાને નિભાવ્યું છે તેનો ઉલ્લેખ પણ કરવામાં આવ્યો છે.