રણબીર કપૂર અને આલિયા ભટ્ટની 'બ્રહ્માસ્ત્ર'માં શાહરૂખ ખાનનો કેમિયો છે. બ્રહ્માસ્ત્રમાંથી શાહરૂખ ખાનનો લુક સોશિયલ મીડિયા પર લીક થયો છે, જે ખૂબ જ ધમાકેદાર છે.
'બ્રહ્માસ્ત્ર'માંથી વાયરલ થયો શાહરૂખનો લુક
નિભાવી રહ્યો છે મહત્વની ભુમિકા
વીડિયો થયો વાયરલ
રણબીર કપૂર અને આલિયા ભટ્ટની ફિલ્મ 'બ્રહ્માસ્ત્ર' ઘણા સમયથી ચર્ચામાં છે. ખાસ વાત એ છે કે તેમાં શાહરૂખ ખાનનો કેમિયો પણ છે. ફેન્સ લાંબા સમયથી જાણવા માંગતા હતા કે શાહરૂખ ખાન કયા રોલમાં છે અને તેનો ફર્સ્ટ લુક કેવો હશે. હવે શાહરૂખ ખાનનો 'બ્રહ્માસ્ત્ર' લુક સોશિયલ મીડિયા પર લીક થયો છે.
આમાં તે વનરાષ્ટ્ર(Vanarastra)ની ભૂમિકા ભજવવા જઈ રહ્યો છે. એક ખૂબ જ ધમાકેદાર દેખાવનો અભિનેતા ઇન્ટરનેટ પર સામે આવ્યો છે. તમને જણાવી દઈએ કે 'બ્રહ્માસ્ત્ર' 9 સપ્ટેમ્બર 2022ના રોજ સિનેમાઘરોમાં રિલીઝ થઈ રહી છે. મેકર્સ અને સ્ટાર્સ હાલ તેના પ્રમોશનમાં વ્યસ્ત છે.
ટ્વીટર પર વાયરલ થયો વીડિયો
ટ્વિટર પર શાહરૂખ ખાનના ઘણા ફેન્સ અને યુઝર્સએ 'બ્રહ્માસ્ત્ર'માંથી શાહરૂખ ખાનનો લીક થયેલો ફર્સ્ટ લુક શેર કર્યો છે. આ વીડિયો જોઈને દરેકની એક જ પ્રતિક્રિયા છે OMG.તે લોહીથી લથપથ અને આગની વચ્ચે જોવા મળી રહ્યો છે. કિંગ ખાન 'બ્રહ્માસ્ત્ર'માં ભગવાન હનુમાનથી પ્રેરિત વનરાષ્ટ્રના રોલમાં જોવા મળશે.
ફેન્સની વધી ઉત્સુક્તા
જ્યારે 'બ્રહ્માસ્ત્ર'નું ટ્રેલર રીલિઝ થયું તે સમયે પણ ફેન્સે શાહરૂખ ખાનને નોટિસ કર્યો હતો. ફેન્સે કેટલીક તસવીરો શેર કરી છે જે તેમને શાહરૂખ ખાન જેવા દેખાઈ રહી હતી. હવે આ લીક થયેલા પોસ્ટરને જોઈને શાહરૂખના ફેન્સ વધુ એક્સાઈટેડ થઈ ગયા છે. તમને જણાવી દઈએ કે શાહરૂખ ખાન તાજેતરમાં આર માધવનની રોકેટરીમાં કેમિયોમાં જોવા મળ્યો હતો.
શાહરૂખ ખાનના વર્કફ્રન્ટની વાત કરીએ તો તે પઠાણ, ડંકી અને જવાનમાં જોવા મળશે. યશ રાજ ફિલ્મ્સ પઠાણ લાવી રહ્યું છે, જેનું શૂટિંગ પૂર્ણ થઈ ગયું છે. હાલમાં ડંકી અને જવાન પર કામ ચાલી રહ્યું છે.