બોલિવૂડના દિગ્ગજ સુપરસ્ટાર શાહરૂખ ખાનથી જોડાયેલી દરેક બાબદ યૂનિક હોય છે. પછી તેમનો સ્ટાઈલ સેન્સ હોય કે તેમનું ઘર હોય. દરિયા કિનારે સ્થિત શાહરૂખનો બંગલો 'મન્નત' તેની વર્ષોની મહેનતનું પરિણામ છે. આ બંગલાનું નામ મન્નત એટલે જ રાખવામાં આવ્યું છે કારણ કે આ ઘર તેના દિલની સૌથી નજીકની વસ્તુઓમાંથી એક છે, જેના માટે તે ખુદાને અરજ કરતો હતો.
બોલિવૂડના કિંગ ખાને #AskSRKમાં આપ્યો જવાબ
મન્નતમાં રહેવા આ કિંમત ચૂકવવી પડશે
શાહરૂખના દિલની નજીક છે તેનો બંગલો 'મન્નત'
પણ જો કોઈ શાહરૂખના બંગલામાં એક રૂમ રેન્ટ પર લેવા માંગે તો તેનું ભાડું કેટલું હશે? બુધવારે સાંજે #AskSRK સેશન દરમિયાન શાહરૂખ ખાને ઘણાં સવાલોના જવાબ આપ્યા અને આ દરમિયાન ટ્વિટરના એક યુઝરે તેને પૂછ્યું તે મન્નતમાં એક રૂમ ભાડે લેવા માંગે છે તો તેને કેટલામાં પડશે? જાણો હાજર જવાબી શાહરૂખે યુઝરને શું જવાબ આપ્યો.
શાહરૂખ જવાબમાં કહ્યું, 30 વર્ષની મહેનતમાં પડશે. એટલે કે, દેખીતી વાત છે કે, તે કોઈપણ કિંમતે તેના દિલની સૌથી નજીક રહેલું તેનું ઘર ભાડે નહીં આપે અને જો કોઈ આવા ઘરમાં રહેવા માંગે છે તો, તેણે તનતોડ મહેનત કરવી પડશે. તમને જણાવી દઈએ કે શાહરૂખે મુંબઈ સ્થિત બંગલે મન્નત 2001માં 13.32 કરોડમાં લીઝ પર ખરીદ્યો હતો, પરંતુ આજે આ બંગલાની કિંમત 200 કરોડ રૂપિયા છે.
શાહરૂખે 2001માં તેના બંગલા મન્નતની જગ્યા લીઝ પર લેવા માટે વન ટાઈમ ઓક્યૂપેસી ફીસ 8.3 કરોડ રૂપિયા આપી હતી. આ પહેલાં શાહરૂખ ખાન મુંબઈમાં રેન્ટ પર રહેતો હતો. મળતી માહિતી પ્રમાણે શાહરૂખે 2001માં 2446 ચોરસ ફૂટ જગ્યા ખરીદી હતી. ત્યારે આ જગ્યા પર બનેલો બંગલો વિલા વિયેના તરીકે ઓળખાતો હતો.