BIG NEWS / સલમાન ખાન બાદ હવે શાહરુખ ખાનને જાનથી મારી નાખવાની ધમકી મળી, પોલીસ તપાસ શરૂ

Shah Rukh Khan : મુંબઇથી એક મોટા સમાચાર સામે આવ્યા છે. વાસ્તવમાં સલમાન ખાન બાદ ભારતીય અભિનેતા શાહરૂખ ખાનને ફૈઝાન ખાન નામના વ્યક્તિએ જાનથી મારી નાખવાની ધમકી આપી છે. મહારાષ્ટ્રના બાંદ્રા પોલીસ સ્ટેશનમાં એફઆઈઆર નોંધવામાં આવી છે. રાયપુરના આરોપીએ અભિનેતા પાસેથી મોટી ખંડણી માંગી છે.

બોલિવૂડ સુપરસ્ટાર શાહરૂખ ખાનને જાનથી મારી નાખવાની ધમકી મળતાં પોલીસે તપાસ શરૂ કરી છે . રિપોર્ટ અનુસાર તેને ધમકીનો ફોન આવ્યો હતો. મુંબઈના બાંદ્રા પોલીસ સ્ટેશનમાં કેસ નોંધવામાં આવ્યો છે. છત્તીસગઢના રાયપુરના રહેવાસી ફૈઝાન નામના વ્યક્તિએ ધમકીભર્યો ફોન કર્યો છે.

સૂત્રોએ જણાવ્યું કે મુંબઈ પોલીસની એક ટીમ તપાસ માટે રાયપુર ગઈ છે. અભિનેતા શાહરૂખ ખાનને કથિત રીતે ધમકી આપવા બદલ બાઈના બાંદ્રા પોલીસ સ્ટેશનમાં એક અજાણ્યા વ્યક્તિ વિરુદ્ધ કેસ નોંધવામાં આવ્યો છે. કલમ 308(4), 351(3)(4) BNS હેઠળ ગુનો નોંધવામાં આવ્યો છે.

વધુ વાંચો : સરકારી નોકરીની ભરતી પ્રક્રિયાને લઇ સુપ્રીમ કોર્ટનો મોટો ચુકાદો, કહ્યું 'નિયમોને અધવચ્ચેથી...'

નોંધનિય છે કે, શાહરૂખને ગત વર્ષે ઓક્ટોબરમાં પણ ધમકી મળી હતી. આ પહેલા પણ તેને કરિયરમાં ઘણી વખત જાનથી મારી નાખવાની ધમકી મળી હતી. ગયા વર્ષે ઓક્ટોબરમાં પણ પઠાણ અને જવાન ફિલ્મોની સફળતા બાદ તેને જાનથી મારી નાખવાની ધમકીઓ મળી હતી. અભિનેતાએ આ અંગે મહારાષ્ટ્ર પોલીસમાં લેખિત ફરિયાદ નોંધાવી હતી, ત્યારબાદ તેને Y+ સુરક્ષા આપવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ