કોરોના વાયરસનો કહેર સમગ્ર દુનિયામાં જોવા મળી રહ્યો છે. ત્યારે પાકિસ્તાનમાં પણ કોરોનાના દર્દીઓની સંખ્યા ઝડપથી વધી રહી છે. એમ પણ હાલ પાકિસ્તાનથી સ્થિતિ કફોડી છે. ત્યારે આ મહામારીથી ઉગરવા માટે પાકિસ્તાનમાં પણ પીએમ રિલીફ ફંડ નક્કી કરવામાં આવ્યું છે. જેમાં લોકો દાન કરીને મદદ કરી શકે છે. ત્યારે પાકિસ્તાનની જાણીતી અભિનેત્રી અને શાહરૂખ ખાનની ફિલ્મ 'રઈસ'માં તેની સાથે કામ કરનાર એક્ટ્રેસ માહિરા ખાને મદદ માટે આગળ આવી છે. તેણે ટ્વિટ કરીને દાન કરવાની જાહેરાત કરી છે.
માહિરા ખાનના આ દાનથી તેના ફેન્સ તેની પ્રસંશા કરી રહ્યાં છે અને તેનું ટ્વિટ સોશિયલ મીડિયા પર ખૂબ જ વાયરલ થઈ રહ્યું છે. માહિરા ખાને પાકિસ્તાનના પીએમ ઈમરાન ખાનની ટ્વિટના જવાબમાં લખ્યું-હું કોવિડ-19 મહામારી રાહત કોષમાં દાન આપવાની પ્રતિજ્ઞા લઉં છું. કોઈની પણ મદદ બહુ મહત્વ ધરાવે છે. બધાંને આ મહામારીમાંથી છુટકારો મળે. ઈન્શાઅલ્લાહ.
I pledge to donate to @ImranKhanPTI COVID-19 Pandemic Relief Fund.
Anything in anyone’s capacity will make a difference. May we truly see relief for all. InshAllah. https://t.co/gNzVzQMhzL
તમને જણાવી દઈએ કે, એક્ટ્રેસ માહિરા ખાને શાહરૂખ ખાન સાથે ફિલ્મ 'રઈસ'માં કામ કરીને ભારતમાં પોતાની ઓળખ બનાવી હતી. આ ફિલ્મમાં માહિરાની એક્ટિંગ લોકોને ખૂબ પસંદ આવી હતી. ફિલ્મો સિવાય માહિરા તેના બેબાક નિવેદનો માટે પણ જાણીતી છે. હાલ પાકિસ્તાનમાં કોરોનાથી સંક્રમિત લોકોની સંખ્યા 1800ને પાર પહોંચી ગઈ છે. ત્યારે 25થી વધારે લોકોના આ વાયરસથી મોત નીપજ્યા છે.