બોલિવૂડ / શાહરૂખ ખાનની નવી ફિલ્મનું ટાઈટલ લીક, પુત્રી સુહાના ખાન સાથે કરશે પહેલી મૂવી, જુઓ વાયરલ વીડિયો

વર્ષ 2023માં શાહરૂખ ખાનની 3 ફિલ્મો રિલીઝ થઈ હતી અને આ યાદીમાં પઠાણ, જવાન અને ડંકીના નામ સામેલ છે. આ ત્રણેય ફિલ્મોએ બોક્સ ઓફિસ પર એવી ધૂમ મચાવી હતી કે બધા દંગ રહી ગયા હતા. આ વર્ષે શાહરૂખ ખાને તેના કોઈ નવા પ્રોજેક્ટની સત્તાવાર જાહેરાત કરી નથી પરંતુ સોશિયલ મીડિયા પર એવી અટકળો ચાલી રહી છે કે શાહરૂખ ખાન હવે ટૂંક સમયમાં જ મોટા પડદા પર ફરી જોવા મળી શકે છે.

હાલમાં કિંગ ખાન આઈપીએલના કારણે લોકો વચ્ચે ચર્ચામાં હતા અને IPL પૂરી થતાની સાથે જ કિંગ ખાનના ચાહકો એ જાણવા આતુર છે કે SRK હવે કઈ ફિલ્મ પર કામ કરી રહ્યા છે જેમાં તેની દીકરી સુહાના ખાન પણ જોવા મળશે. સાથે જ આ ફિલ્મનું નામ શું હશે અને તે ક્યારે ફ્લોર પર આવશે? આ દરમિયાન શાહરૂખની આગામી ફિલ્મનું ટાઈટલ પણ સામે આવ્યું છે.

વાત એમ છે કે એક વિડીયોમાં શાહરુખે ભૂલથી તેની આગામી ફિલ્મનું ટાઇટલ લીક કરી દીધું. સામે આવેલી આ ક્લિપમાં, શાહરૂખ ખાન સિનેમેટોગ્રાફર સંતોષ સિવાનને કાન્સ ફિલ્મ ફેસ્ટિવલમાં પ્રતિષ્ઠિત પિયર એન્જેનીક્સ એક્સેલ લેન્સ એવોર્ડ જીતવા બદલ અભિનંદન આપતા જોવા મળે છે. આ દરમિયાન લોકોનું ધ્યાન એક સ્ક્રિપ્ટ પર પડ્યું, જેનું ટાઇટલ 'કિંગ' લખેલું હતું. આ ક્લિપ જોયા બાદ લોકો હવે કહી રહ્યા છે કે શાહરૂખ ખાન કિંગ નામની ફિલ્મમાં જોવા મળવાનો છે. રિપોર્ટ્સનું માનીએ તો આ ફિલ્મમાં સુહાના ખાન પણ જોવા મળશે.

વીડિયોમાં શાહરૂખ ખાન ગ્રે ટી-શર્ટ અને બ્લુ ડેનિમ પહેરીને સોફા પર બેઠા છે અને તેની બાજુના ટેબલ પર કેટલીક વસ્તુઓ રાખવામાં આવી છે. આ વસ્તુઓમાં એક બુકલેટ પણ છે જેના પર મોટા અક્ષરોમાં 'કિંગ' લખેલું છે. શાહરૂખ ખાનના ચાહકો આ બુકલેટને તેની આગામી ફિલ્મની સ્ક્રિપ્ટ ગણાવી રહ્યા છે.

વધુ વાંચો: અનંત-રાધિકાના બીજી પ્રીવેડિંગ સેરેમનીના આજથી શ્રીગણેશ: મહેમાનોના ઇટલીમાં ધામા, ઓરીએ શેર કરી ગજબ તસવીરો

આ ફિલ્મને લઈને એવા અહેવાલ છે કે કિંગ પર કામ શરૂ થઈ ગયું છે, શાહરૂખ ખાન પણ આ ફિલ્મમાં તેની પુત્રી સુહાના ખાન હશે. સુજોય ઘોષ આ ફિલ્મનું નિર્દેશન કરવા જઈ રહ્યા છે. રિપોર્ટ અનુસાર, ફિલ્મ કિંગ શાહરૂખની પઠાણ અને જવાનથી એકદમ અલગ બનવાની છે. ફિલ્મની વાર્તા ભાવનાત્મક છે જે લોકોને પ્રેરિત કરશે.