બોલિવૂડમાં ઘણાં એવા સ્ટાર્સ છે જેમના હમશક્લ છે. ત્યારે અત્યારે શાહરૂખ ખાનનો હમશક્લ ઈબ્રાહિમ કાદરી ચર્ચામાં છે. તેને જોઈને ફેન્સ પણ ચક્કર ખાઈ ગયા.
બોલિવૂડમાં ઘણાં સ્ટાર્સ છે જેમના હમશક્લ છે
સુપરસ્ટાર શાહરૂખ ખાનનો એક હમશક્લ સામે આવ્યો છે
ઈબ્રાહિમના ફોટોઝ અને વીડિયો થઈ રહ્યાં છે વાયરલ
સ્ટાર્સના હમશક્લ સોશિયલ મીડિયા પર ખૂબ જ એક્ટિવ રહે છે. ત્યારે હાલમાં શાહરૂખ ખાનના હમશક્લનો વીડિયો અને ફોટોઝ વાયરલ થઈ રહ્યાં છે જેને જોઈને ફેન્સ આશ્ચર્યમાં મૂકાઈ ગયા છે. પહેલીવારમાં જોશો તો તમને ખ્યાલ જ નહીં આવે કે આ શાહરૂખ ખાનનો હમશક્લ છે. શાહરૂખના હમશક્લનું નામ ઈબ્રાહિમ કાદરી છે. ઈબ્રાહિમ કાદરી સોશિયલ મીડિયા પર અવારનવાર તેના વીડિયો અને ફોટોઝ શેર કરતો રહે છે.
ઇબ્રાહિમ કાદરી હંમેશાં તેના ફોટા અને વીડિયો ઇન્સ્ટાગ્રામ પર શેર કરે છે. તેમાં તમે જોઈ શકો છો કે તેનો દેખાવ, કપડા પહેરવાની રીત અને એક્ટિંગ સુધ્ધા શાહરૂખ ખાન જેવી જ છે. તેણે શાહરૂખ ખાનના ઘણાં જૂના હિટ ગીતો પર પર્ફોર્મ કરીને વીડિયો પણ બનાવ્યા છે. ઇબ્રાહિમ કાદરીને એકવાર જોઈને તમે ચોક્કસ ચોંકી જશો અને તમારી આંખો પર વિશ્વાસ કરવો મુશ્કેલ બનશે.
વર્કફ્રંટની વાત કરીએ તો, ફેન્સ શાહરૂખની અપકમિંગ ફિલ્મ માટે ઉત્સુક છે. 2018માં 'ઝીરો' બાદ શાહરૂખની કોઈ ફિલ્મ આવી નથી અને કોઈ નવા પ્રોજેક્ટની જાહેરાત પણ થઈ નથી. ઝીરોમાં તે અનુષ્કા શર્મા સાથે જોવા મળ્યો હતો. તો હવે દર્શકો તેને સ્ક્રીન પર જોવા માટે ઉત્સુક છે. માહિતી મુજબ, શાહરૂખે લોકડાઉન દરમિયાન ઘરે બેસીને ઘણી ફિલ્મોની સ્ક્રિપ્ટ સાંભળી છે. કહેવાઈ રહ્યું છે કે, શાહરૂખ 'વૉર' ફિલ્મના ડાયરેક્ટર સિદ્ધાર્થ આનંદની મેગા એક્શન ફિલ્મમાં જોવા મળશે. આ ફિલ્મનું ટાઈટલ 'પઠાણ' છે. આ ફિલ્મમાં શાહરૂખ ખાનની સાથે દીપિકા પાદુકોણ અને જ્હોન અબ્રાહમ પણ છે.
શાહરૂખ ખાનની ફિલ્મ 'પઠાણ' ઉપરાંત તે ડિરેક્ટર અયાન મુખર્જીની મલ્ટીસ્ટારર ફિલ્મ 'બ્રહ્માસ્ત્ર' અને આમિર ખાન અને કરીના કપૂરની ફિલ્મ 'લાલસિંહ ચઢ્ઢા'માં કેમિયો રોલમાં જોવા મળશે.