ઇરફાન ખાન અને તેની ફેમિલી હાલમાં મુશ્કેલીના સમયમાંથી પસાર થઇ રહી છે.. પાછલા 3 મહિનાથી ઈરફાન ન્યૂરોએન્ડોક્રાઈન કેન્સરની લંડનમાં સારવાર લઈ રહ્યો છે. આ બીમારીમાં શરીરમાં ટ્યૂમર બની જાય છે. હાલમાં ઇરફાન હાલમાં લંડનમાં પોતાની સારવાર કરાવી રહ્યો છે.
ફિલ્મ ઇન્ડસ્ટ્રીના સેલેબ્સ 'પીકુ' ફેમ ઇરફાનના સ્વાસ્થ્ય માટે પ્રાર્થના કરી રહ્યા છે. ત્યારે શાહરુખ ખાને ઈરફાન ખાનની એક મોટી મદદ કરી છે.
એક પોર્ટલના રિપોર્ટ અનુસાર સારવાર માટે લંડન જતા પહેલા ઈરફાન ખાનની પત્ની સુતાપાએ શાહરૂખને ફોન કર્યો હતો અને જણાવ્યુ હતું કે ઈરફાન તેને મળવા માંગે છે. સુતાપાએ શાહરૂખને મુંબઇ સ્થિત પોતાના નિવાસસ્થાને બોલાવ્યો હતો.
ઇરફાનના ઘરથી થોડોક જ દૂર મેહબૂબ સ્ટુડિયોમાં શૂટિંગ કરી રહેલો શાહરૂખ તેને મળવા પહોંચ્યો અને તેમણે લગભગ બે કલાક સાથે પસાર કર્યા.આ દરમિયાન શાહરૂખે ઈરફાન ખાનને પોતાના લંડન વાળા ઘરની ચાવી આપી દીધી. શાહરૂખની જીદથી હારીને ઈરફાને ચાવી લેવી પડી.
શાહરૂખનું કહેવુ હતું કે ઈરફાનનો પરિવાર તે ઘરને પોતાના ઘર જેવું સમજશે. ઈરફાન ખાન અને શાહરુખ ખાન ઘણાં સારા મિત્રો છે.
મીડિયા રિપોર્ટ્સ અનુસાર ''લંડનમાં ઇરફાનને મળી પરત ફરેલા તેના એક મિત્રએ જણાવ્યુ કે ઇરફાનનું સ્વાસ્થ્ય ઠીક છે રિકિવરી ધીરે-ધીરે થઇ રહી છે વર્ષના અંત સુધી તે ભારત પરત આવી જશે.''