મનોરંજન / બેશરમ રંગની બબાલ વચ્ચે પઠાણના અન્ય ગીતના રીલીઝને લઈ શાહરૂખ ખાનનું એલાન, કહ્યું મેરી જાન..ધીરજ રાખો

• ફિલ્મ પઠાણનુ બીજુ ગીત 22 ડિસેમ્બરે થશે રીલીઝ
• શાહરૂખ ખાને જાતે માહિતી કરી શેર
• હિન્દીની સાથે-સાથે તામિલ અને તેલુગુમાં પણ કરાશે રીલીઝ

પઠાણનુ બીજુ ગીત આવતીકાલે થશે રીલીઝ 

ફિલ્મ પઠાણનુ પહેલુ ગીત બેશરમ રંગ 12 ડિસેમ્બરે રીલીઝ કરવામાં આવ્યું હતુ. આ ગીત રીલીઝ થયા બાદ હોબાળો થયો હતો. દરેક બાજુ દીપિકા પાદુકોણના બિકિનીના રંગને લઇને ચર્ચા થવા લાગી. કેસરિયા રંગની બિકિનીને લઇને પહેલા પણ ઘણો હોબાળો થયો છે. ઘણા સંગઠનોએ આ ફિલ્મ પર પ્રતિબંધ લગાવવાની માંગ કરી છે. તો કેટલાંક લોકોએ ગીતને હટાવવા માટે કહ્યું. જો કે, પ્રચંડ વિરોધ વચ્ચે હવે ફિલ્મનુ બીજુ ગીત પણ રીલીઝ થવા માટે તૈયાર છે.

ગીતનુ ફર્સ્ટ લુક શેર કર્યુ

બુધવારે શાહરૂખ ખાનના ગીતનુ ફર્સ્ટ લુક શેર કર્યુ અને આ સાથે તેમણે ઈન્સ્ટાગ્રામ પર લખ્યું, "ઝૂમે જો પઠાણ... મેરી જાન... મહફિલ હી લુટ જાએ! સબ્ર રખિએ...કાલે 11 વાગ્યે વાદા રહા પઠાણ કા!" આ ગીત હિન્દીની સાથે-સાથે તામિલ અને તેલુગુમાં પણ રીલીઝ કરવામાં આવશે. કિંગ ખાને ત્રણેય ગીતોના પોસ્ટર ઈન્સ્ટાગ્રામ પર શેર કર્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Shah Rukh Khan (@iamsrk)

પહેલા ગીતને લઇને થયો છે હોબાળો 

ફિલ્મ પઠાણને લઇને દેશભરમાં ખૂબ હોબાળો થઇ રહ્યો છે. એટલું જ નહીં, શાહરૂખ ખાનને જાનથી મારી નાખવાની ધમકી પણ આપવામાં આવી છે. પહેલુ ગીત બેશરમ રંગને લઇને જે વિરોધ શરૂ થયો છે, તે હજી શાંત પણ થયો નથી કે બીજુ ગીત આવવાનુ છે. એવામાં પ્રશંસકોની સાથે-સાથે સામાન્ય દર્શકો પણ આ ગીતની આતુરતાપૂર્વક રાહ જોઇ રહ્યાં છે. આ ગીત 22 ડિસેમ્બરે સવારે 11 કલાકે યુટ્યુબ અને સોશિયલ મીડિયા પર રીલીઝ કરવામાં આવશે.