IPLIN
 

સહાય / શાહરૂખની વધુ એક મોટી મદદ, મહિલાઓ અને બાળકો માટે આપી દીધી પોતાની આ પર્સનલ જગ્યા

Team VTV 05:06 PM, 04 Apr 20
Follow us
Shah Rukh and Gauri Khan offer personal office space in Mumbai for quarantine

કોરોના વાયરસના સંક્રમણને રોકવા માટે બોલિવૂડથી લઈને નેતાઓ, ક્રિકેટર્સ, ઉદ્યોગપતિ અને સમાન્ય જનતા પણ તમામ પ્રયાસ કરી રહી છે. બોલિવૂડના મોટાભાગના સેલેબ્સ અત્યાર સુધી મદદ માટે આગળ આવ્યા છે, પરંતુ એવું પહેલીવાર થયું છે કે, કોઈ બોલિવૂડ સુપરસ્ટારે પોતાની પર્સનલ ઓફિસ પબ્લિક ક્વોરંટાઈન માટે આપવાની વાત કહી છે.

  • કોરોના પીડિતોની મદદ માટે કિંગ ખાને કરી આ જાહેરાત
  • લોકોને ક્વોરંટાઈન કરવા પર્સનલ જગ્યા આપી
  • આ પહેલાં પણ શાહરૂખ કરી ચૂક્યો છે દાન

જી હાં, બોલિવૂડના કિંગ ખાન અને તેમની પત્ની ગૌરી ખાને તેમની 4 માળની પર્સનલ ઓફિસને ક્વોરંટાઈન માટે આપવાની જાહેરાત કરી છે. શાહરૂખે આ બિલ્ડિંગમાં બાળકો, મહિલાઓ અને વૃદ્ધોને ક્વોરંટાઈનમાં રાખવા માટે આ વાત કહી છે. 

આ જાહેરાત બીએમસી દ્વારા ટ્વિટર પર કરવામાં આવી છે અને તેને રેડ ચિલીઝ એન્ટરટેઈનમેન્ટ દ્વારા રિ-શેર કરવામાં આવ્યું છે. આ પહેલાં પણ શાહરૂખ ખાને કોરોના સામેની જંગમાં દાન કર્યું છે. 

બીએમસીએ પોતાના ટ્વિટમાં લખ્યું- આપણાં બધાં સાથે વધુ મજબૂત છીએ. અમે શાહરૂખ અને ગૌરી ખાનના આભારી છીએ. તેમણે પોતાની 4 માળની પર્સનલ ઓફિસ ક્વોરંટાઈન માટે આપી દીધી છે. આ બિલ્ડિંગમાં જરૂરિયાતની તમામ વસ્તુઓ હાજર છે. 

તમને જણાવી દઈએ કે શાહરૂખ ખાને આ પહેલાં રાજ્ય અને કેન્દ્ર સરકારને દાન કર્યું છે અને માસ્ક, ટેસ્ટ કિટ્સ જેવી વસ્તુઓ માટે પણ પૈસા આપ્યા છે. સાથે જે તેનું એનજીઓ ગરીબ અને ભૂખ્યા લોકોની મદદ પણ કરી રહ્યું છે. હાલ 21 દિવસનું લોકડાઉન છે. 

Coronavirus Shah Rukh Khan gauri khan citizens donation personal Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ