પ્રભાસની અપકમિંગ ફિલ્મ 'સાહો ચેપ્ટર 2'નું ટીઝર રિલીઝ, જોવા મળ્યો દમદાર લૂક

બોલિવુડ એક્ટ્રેસ શ્રદ્ઘા કપૂર આગામી ફિલ્મ 'સાહો' ને લઇને ખૂબ જ ઉત્સાહિત છે. તાજેતરમાં જ શ્રદ્ઘાએ ટ્વિટ કરીને ફિલ્મ 'ચેપ્ટર 2' રિલીઝ થવાની જાણકારી આપી હતી. અગાઉ પણ શ્રદ્ઘા સોશ્યલ મીડિયા પર કેટલીક કિલપ્સ પોસ્ટ કરી ચૂકી છે. હવે શ્રદ્ઘાના જન્મદિવસ પર 'સાહો ચેપ્ટર 2' રિલીઝ કરવામાં આવ્યુ છે. 




આજે 'શેડ્સ ઑફ સાહો ચેપ્ટર 2' ગણતરીના કલાકોમાં જ હિટ થઇ ગયુ. લોકોએ શ્રદ્ધાને બર્થ ડેની શુભકામનાઓ આપવાની સાથે ટીઝરની પણ ખૂબ પ્રશંસા કરી. ટીઝરમાં શ્રદ્ઘા કપૂરના હાથમાં ગન સાથે ઈન્ટેન્સ લૂકમાં જોવા મળે છે. ટીઝરમાં શ્રદ્ધાને બર્ડ ડે વિશ કરવામાં આવ્યુ છે. વીડિયોમાં અંત પ્રભાસના એક્સન સીનથી થાય છે. 

મીડિયા રિપોર્ટ મુજબ, ડાયરેક્ટર સુજીતના નિર્દેશનમાં બનનારી આ ફિલ્મ પાછળ 300 કરોડ રૂપિયાનો ખર્ચ થશે. હિંદી સિવાય તેલુગુ અને તમિલમાં પણ ફિલ્મ બની રહી છે. 2017માં  'સાહો'ની શરૂઆત થઇ. ફિલ્મનું પહેલું પોસ્ટર પ્રભાસના બર્થ ડે 23 ઓક્ટોબર 2017ના રોજ રિલીઝ કરાયુ હતુ. ત્યારે પછી આ પહેલુ ટીઝર પણ પ્રભાસના બર્થ ડે પર રિલીઝ કર્યુ.




 જણાવી દઈએ કે, આ ફિલ્મ 15 ઓગસ્ટ 2019ના રોજ રિલીઝ થશે. ફિલ્મમા શ્રદ્ઘા કપૂર અને પ્રભાસ સિવાય જેકી શ્રોફ, નીલ નીતિન મુકેશ, મંદિરા બેદી, આદિત્ય શ્રીવાસ્તવ સહિતના કલાકારો જોવા મળશે.