અપડેટ / અકસ્માત બાદ શબાનાની હાલતમાં સુધાર, ડ્રાઈવર પર થયો કેસ, લાગ્યો આ આરોપ

• શબાના આઝમીની કારને નડ્યો અકસ્માત
• શબાનાની હાલતમાં સુધાર
• તેના ડ્રાઈવર પર થયો કેસ

મેડિકલ તપાસની રિપોર્ટ

કેડીએચમાં મેડિકલ તપાસ બાદ હોસ્પિટલના એક્ઝિક્યુટિવ ડિરેક્ટર અને સીઈઓએ કહ્યું કે, શબાનાની તબિયતમાં સુધાર થઈ રહ્યો છે અને તેઓ હજી પણ ડોકટરોની દેખરેખ હેઠળ છે. તેમની હાલત સ્થિર છે. અગાઉ શબાના આઝમીને એમજીએમ હોસ્પિટલમાં દાખલ કરવામાં આવ્યા હતા. જ્યાં ડોક્ટરો દ્વારા તેમની તપાસ કરવામાં આવી હતી. હોસ્પિટલના મેડિકલ સુપરિન્ટેન્ડન્ટ ડો. (લેફ્ટનન્ટ) કેઆર સાલ્ગોત્રાએ જણાવ્યું કે, શબાના આઝમીનો એક્સ-રે, સીટી સ્કેન, અલ્ટ્રાસાઉન્ડ અને અન્ય તપાસ અહીં કરવામાં આવી હતી. તેમને માથામાં, ગળાના સર્વાઇકલ સ્પાઈન, ચહેરા પર અને જમણી આંખમાં ઈજા થઈ છે. ડોક્ટરે કહ્યું તેઓ ભાનમાં આવી ગયા છે અને વાત કરી રહ્યા છે. 

Maharashtra: An FIR has been registered against Amlesh Kamat, driver of Shabana Azmi in Khalapur on a complaint filed by truck driver. The FIR reads,"due to rash driving by the driver, the car hit the moving truck on Pune-Mumbai Expressway which resulted in the accident."

— ANI (@ANI) January 18, 2020

શબાનાના ડ્રાઈવર પર ટ્રક ડ્રાઈવરે કર્યો કેસ

આ અકસ્માત મુંબઈથી આશરે 60 કીમી દૂર ખાલાપુર પાસે બપોરે સાડા ત્રણની આસપાસ થયો હતો. આ મામલે ટ્રક ડ્રાઈવરે શબાનાના ડ્રાઈવર અમલેશ કામત વિરૂદ્ધ ખાલાપુરમાં કેસ કર્યો છે. ટ્રક ડ્રાઈવરે આરોપ લગાવ્યો છે કે, શબાનાનો ડ્રાઈવર સ્પીડમાં કાર ચલાવી રહ્યો હતો અને બીજી ગાડીને ઓવરટેક કરવાની કોશિશમાં ટ્રક સાથે ટક્કર થઈ હતી. તેની બેદરકારીને કારણે આ અકસ્માત સર્જાયો હતો.