સ્ટેટ GST ડિપાર્ટમેન્ટ દ્વારા રાજ્યના અમદાવાદ અને સાસણગીરની હોટલ અને રિસોર્ટ પર દરોડા પાડવામાં આવ્યા. જેમાં GST વિભાગે 2 કરોડ 14 લાખની વસૂલાત કરી છે.
સાસણગીરમાં GST વિભાગનું સર્ચ ઓપરેશન
સાસણગીરના 17 જેટલા રિસોર્ટમાં કરવામાં આવી તપાસ
GST વિભાગે 2 કરોડ 14 લાખની વસૂલાત કરી
તાજેતરમાં જ સ્ટેટ GST ડિપાર્ટમેન્ટ દ્વારા રાજ્યના અમદાવાદ અને સાસણગીરની હોટલ અને રિસોર્ટ પર દરોડા પાડવામાં આવ્યા હતા. 17 જગ્યાએ પાડવામાં આવેલા આ દરોડામાં કરચોરી કરતા રૂ. 12 કરોડનું ટર્ન ઓવર સામે આવ્યું છે. જેની ઉપર રૂ. 3 કરોડ 4 લાખની કરચોરી પકડવામાં આવી હતી. આ કરચોરીમાંથી સ્ટેટ GST અધિકારીઓએ રૂપિયા 2.14 કરોડની વસૂલાત કરી છે.
ગુજરાત : સાસણ ગીર ખાતે GST વિભાગ દ્વારા 17 હોટેલ - રિસોર્ટમાં પાડવામાં આવેલ દરોડામાં રૂ.12 કરોડના વ્યવહારની સામે 2.14 કરોડ ટેકસની રિકવરી કરાઈ.#GST#RAID#SasanGirpic.twitter.com/DyZnWpeQtW
— VTV Gujarati News and Beyond (@VtvGujarati) June 11, 2022
વધુમાં જણાવી દઇએ કે, તાજેતરમાં જ સાસણગીર ખાતે GST વિભાગે દરોડા પાડ્યા હતાં. સાસણગીરના રિસોર્ટ-હોટલમાં GST વિભાગે સર્ચ ઓપરેશન ચલાવ્યું હતું. 17 જેટલાં રિસોર્ટમાં તપાસ કરવામાં આવી હતી. જેમાં GST વિભાગે 2 કરોડ 14 લાખની વસૂલાત કરી છે. બે રિસોર્ટની સામગ્રી પણ જપ્ત કરવામાં આવી છે. આ સર્ચ ઓપરેશનમાં ટેરીફ પ્લાન ઓછા બતાવવાની પણ બાબત સામે આવી છે. ઓછા ટેક્સ સ્લેબમાં વેરો ભરવા જેવી બાબત પણ સામે આવી છે. આ દરોડમાં કરચોરી કરતા રૂપિયા 11 કરોડનું ટર્ન ઓવર સામે આવ્યું છે.
જુઓ કયા-કયા 17 રિસોર્ટમાં તપાસ કરવામાં આવી?
ઉલ્લેખનીય છે કે, થોડાંક દિવસ અગાઉ સાસણ ગીર પંથકની 29 હોટલ અને રિસોર્ટમાં GSTની ટીમે સપાટો બોલાવ્યો હતો. અગાઉ રાજકોટ વિંગની 30 ટીમોએ સર્ચ ઓપરેશન હાથ ધર્યુ હતું. જેમાં જ્યારથી GST લાગુ કરાયું ત્યારથી અત્યાર સુધીના તમામ રેકોર્ડ તપાસવામાં આવી હતી. ઉનાળુ વેકેશન ટાણે જ્યારે રિસોર્ટમાં પ્રવાસીઓનો ધસારો જોવા મળી રહ્યો છે એવાં સમયે જ GST વિભાગે ટેક્સ ચોરી બહાર લાવવા દરોડા પાડવામાં આવ્યા હતાં.
નેતા અને બિલ્ડરોની હોટલમાં કોઈ કાર્યવાહી ન થઇ હોવાની થઇ હતી ચર્ચા
સાસણમાં અસંખ્ય હોટલો આવેલી છે પરંતુ કાયદેસર માન્યતા પ્રાપ્ત 32 હોટલોમાંથી 29 હોટલોમાં GSTની ટીમો ત્રાટકી હતી. પરંતુ બાકીની ત્રણ હોટલો કે જેમાં હોટલ એસોસિએશનનાં જવાબદાર પદાધિકારી અને રાજકોટનાં અગ્રણી બિલ્ડર ઉપરાંત નેતાની હોટલોને ચેકિંગમાંથી બાકાત રખાઇ હોવાની ચર્ચા ચાલી હતી.