રેડ  / ઓઈલ મિલ અને કોટનના વેપારીઓ પર SGST વિભાગની લાલ આંખ, અમદાવાદ સહીત સૌરાષ્ટ્રના ઓઇલ મિલમાં સર્વે દરોડા

• SGST દ્વારા  સૌરાષ્ટ્રની અલગ-અલગ ઓઈલ મિલમાં રેડ
• GST ચોરીનો મોટો આંકડો આવી શકે છે બહાર
• સિસ્ટમ બેઝડ એનાલિસિસ તથા માર્કેટ ઇન્ટેલીજન્સના આધારે તવાઈ

આ તપાસમાં મોરબીની  15 અને વાંકોનેરની 5 કંપનીઓનો સમાવેસ થાય છે. આ કંપનીઓ દ્વારા નિયમિત વેરાન ભરવામાં આવતા હોવાની શક્યતાને આધારે તેમની સામે તપાસ કરવામાં આવી રહી છે. બજારમાંથી મળતી ગુપ્ત બાતમીને આધારે તથા સરકારની જીએસટી સિસ્ટમમાં થતાં વિશ્લેષણને આધારે આ તપાસ ચાલુ કરવામાં આવી છે.  

અમદાવાદ સહીત સૌરાષ્ટ્રના ઓઇલ મિલમાં સર્વે દરોડા

દરોડા હેઠળ આવરી લેવામાં આવેલી કંપનીઓમાં અમદાવાદ, વાંકાનેર, હળવદ, જામ ખંભાળિયા,ઉના, જામનગર, ગાંધીધામ, ધનસુરા, વડોદરા, કપડવંજ, સુરત, બોટાદ, મહુવા,અમરેલી ઓઈલ મિલ અને કોટન ઈન્ડસ્ટ્રીઝનો  સામવેશ થાય છે. તેમજ મોરબીની પંદર ઓઈલ મિલોમાં દરોડા પાડવામાં આવ્યા છે.ઉલ્લેખનીય છે આ તમામ કાર્યવાહી સિસ્ટમ બેઈઝ આધારીત એનાલિસીસ, માર્કેટ ઈન્ટેલિજન્સના આધારે કરવામાં આવી છે. રાતભર કાર્યવાહી ચાલી GST ચોરીનો મોટો આંક બહાર આવી શકે છે.