Tuesday, July 16, 2019
સબસ્ક્રાઈબ કરો VTVGujarati ન્યુઝ Whatsapp

છેડતી / મુંબઇઃ મોડી રાત્રે ATM રૂમમાં કુકર્મનો પ્રયાસ, યુવતીએ બનાવ્યો Video

મુંબઇઃ મોડી રાત્રે ATM રૂમમાં કુકર્મનો પ્રયાસ, યુવતીએ બનાવ્યો Video

મુંબઈમાં એક યુવતી સાથે એટીએમમાં મોડી રાતે કુકર્મના પ્રયાસની ઘટના સામે આવી છે. યુવતી એક મ્યુઝિકલ પાર્ટીમાંથી પોતાના ઘરેથી પરત આવી રહી હતી. ત્યારે તેની સાથે આ ઘટના બની છે.

આ ઘટનાની વિગત એવી છે કે, એક યુવતી પોતાના જન્મદિવસે મ્યુઝિકલ શોમાંથી પોતાના ઘરે પરત ફરી રહી હતી. ત્યારે ઓટોરીક્ષા ચાલકને ભાડાના પૈસા ચૂકવવા માટે તે એટીએમમાં ગઈ હતી.

ત્યારે એક શખ્સ આવી ચડ્યો અને યુવતીને ભાડું ચૂકવવા માટે મદદની વાત કરતા યુવતીએ ઈનકાર કર્યો. બાદમાં યુવતીએ ફરીથી એટીએમમાં પૈસા ઉપાડવાનો પ્રયાસ કર્યો ત્યારે આરોપી શખ્સ યુવતી સાથે અડપલા કરવા લાગ્યો. 

બાદમાં યુવતીએ ઘટનાનો વીડિયો ઉતાર્યો અને બૂમો પાડવાનું શરૂ કર્યું. જે બાદ આરોપી શખ્શ ત્યાંથી ફરાર થતા યુવતીએ પોલીસ પાસે મદદ માગી. આખરે પોલીસે આરોપીનો પીછો કરીને તેને ઝડપી પાડ્યો. બાદમાં પોલીસે આરોપી યુવક સામે ગુનો નોંધીને વધુ તપાસ હાથ ધરી છે.

જોવા જેવું વધુ જુઓ

બ્રેકિંગ ન્યૂઝ